ଭାରତ-ପାକିସ୍ତାନ ଉତ୍ତେଜନା ମଧ୍ୟରେ ବେଲୁଚିସ୍ତାନର ସ୍ୱାଧୀନତା ଘୋଷଣା କରାଯାଇଛି। ଏହି ଘୋଷଣା ବାଲୁଚ୍ ଲେଖକ ମୀର ୟାର ବାଲୁଚ୍ କରିଛନ୍ତି। ମୀର ୟାର ବାଲୁଚ୍ ସୋସିଆଲ ମିଡିଆ ପ୍ଲାଟଫର୍ମ X ରେ ଏକ ଲମ୍ବା ପୋଷ୍ଟ ଲେଖି ବେଲୁଚିସ୍ତାନର ସ୍ୱାଧୀନତା ଘୋଷଣା କରିଛନ୍ତି। ବେଲୁଚ୍ ଲେଖକ ମୀର ୟାର ବାଲୁଚ୍ ବେଲୁଚିସ୍ତାନର ସ୍ୱାଧୀନତା ଘୋଷଣା କରିଛନ୍ତି ଏବଂ ଜାତିସଂଘକୁ ତାଙ୍କର ଶାନ୍ତି ମିଶନ ପଠାଇବାକୁ ଦାବି କରିଛନ୍ତି। ଏହା ସହିତ ସେ ଦିଲ୍ଲୀରେ ନିଜ ଦେଶ ପାଇଁ ଏକ ଦୂତାବାସ ଲାଗି ଭାରତ ଠାରେ ଦାବି କରିଛନ୍ତି।
ସେହିପରି ବେଲୁଚିସ୍ତାନ ମୁକ୍ତି ବାହିନୀ ଦୁଇଟି ସହର ଦଖଲ କରିବା ପରେ ପ୍ରଦେଶର ରାଜଧାନୀ କ୍ଵେଟାକୁ ଦଖଲ କରିଥିବା ଦାବି କରିଛି। ସହରରେ ଥିବା ସମସ୍ତ ସରକାରୀ କାର୍ଯ୍ୟାଳୟରୁ ପାକିସ୍ତାନୀ ପତାକା ହଟାଇଦିଆଯାଇଛି। ବେଲୁଚିସ୍ତାନରୁ ଦେଶର ଅନ୍ୟ ଅଞ୍ଚଳକୁ ଯାଇଥିବା ଗ୍ୟାସ ପାଇପ ଲାଇନ କାଢିଦିଆଯାଇଛି।
ଦିଲ୍ଲୀରେ ଭାରତରୁ ଦୂତାବାସ ଦାବି କଲେ
“ଆତଙ୍କବାଦୀ ପାକିସ୍ତାନର ପତନ ନିକଟତର ହୋଇଥିବାରୁ ଏକ ସମ୍ଭାବ୍ୟ ଘୋଷଣା ଶୀଘ୍ର ଆଶା କରାଯାଉଛି। ଆମେ ଆମର ସ୍ୱାଧୀନତା ଦାବି କରିଛୁ ଏବଂ ଆମେ ଭାରତକୁ ଦିଲ୍ଲୀରେ ବେଲୁଚିସ୍ତାନର ସରକାରୀ କାର୍ଯ୍ୟାଳୟ ଏବଂ ଦୂତାବାସକୁ ଅନୁମତି ଦେବାକୁ ଅନୁରୋଧ କରୁଛୁ,” ବାଲୁଚ୍ ଲେଖକ ମୀର ୟାର ବାଲୁଚ୍ ଏକ ସୋସିଆଲ ମିଡିଆ ପୋଷ୍ଟରେ ଏହା ଲେଖିଛନ୍ତି।
ଜାତିସଂଘ ବାଲୁଚିସ୍ତାନର ସ୍ୱାଧୀନତାକୁ ସ୍ୱୀକୃତି ଦେବା ଉଚିତ ମୀର ୟାର ବାଲୁଚ୍ ଆହୁରି ଲେଖିଛନ୍ତି ଯେ ଆମେ ମିଳିତ ଜାତିସଂଘକୁ ମଧ୍ୟ ଅନୁରୋଧ କରୁଛୁ ଯେ ସେ ବେଲୁଚିସ୍ତାନର ଗଣତାନ୍ତ୍ରିକ ଗଣରାଜ୍ୟର ସ୍ୱାଧୀନତାକୁ ସ୍ୱୀକୃତି ଦିଅନ୍ତୁ ଏବଂ ସ୍ୱୀକୃତି ପାଇଁ ସମର୍ଥନ ଦେବା ପାଇଁ ମିଳିତ ଜାତିସଂଘର ସମସ୍ତ ସଦସ୍ୟଙ୍କ ଏକ ବୈଠକ ଡକାନ୍ତୁ। ମୁଦ୍ରା ଏବଂ ପାସପୋର୍ଟ ମୁଦ୍ରଣ ପାଇଁ କୋଟି କୋଟି ଡଲାର ଧନରାଶି ପ୍ରଦାନ କରାଯାଉ।
ପାକ୍ ସେନା ସମସ୍ତ ଅସ୍ତ୍ରଶସ୍ତ୍ର ଏବଂ ସମ୍ପତ୍ତି ଛାଡି ଯାଆନ୍ତୁ
ସେ ଆହୁରି କହିଛନ୍ତି ଯେ ଆମେ ମିଳିତ ଜାତିସଂଘକୁ ମଧ୍ୟ ଅନୁରୋଧ କରୁଛୁ ଯେ ଜାତିସଂଘ ତୁରନ୍ତ ବେଲୁଚିସ୍ତାନକୁ ତାଙ୍କର ଶାନ୍ତି ମିଶନ ପଠାନ୍ତୁ ଏବଂ ପାକିସ୍ତାନ ଦଖଲକାରୀ ସେନାକୁ ବେଲୁଚିସ୍ତାନର ଭୂକ୍ଷେତ୍ର, ବାୟୁକ୍ଷେତ୍ର ଏବଂ ସମୁଦ୍ର ଇଲାକା ଖାଲି କରିବାକୁ ଏବଂ ସମସ୍ତ ଅସ୍ତ୍ରଶସ୍ତ୍ର ଏବଂ ସମ୍ପତ୍ତି ବେଲୁଚିସ୍ତାନରେ ଛାଡିଚାଲିଯିବାକୁ କହନ୍ତୁ।
ଅଣ-ବଲୁଚି କର୍ମଚାରୀଙ୍କୁ ତୁରନ୍ତ ବେଲୁଚିସ୍ତାନ ଛାଡିବାକୁ ପଡିବ।
ସେନା, ଫ୍ରଣ୍ଟିୟର୍ କର୍ପସ, ପୋଲିସ, ସାମରିକ ଗୁଇନ୍ଦା, ଆଇଏସଆଇ ଏବଂ ବେସାମରିକ ପ୍ରଶାସନରେ ଥିବା ସମସ୍ତ ଅଣ-ବଲୁଚି କର୍ମଚାରୀଙ୍କୁ ତୁରନ୍ତ ବେଲୁଚିସ୍ତାନ ଛାଡିବାକୁ ପଡିବ।
ଯଦି ପାକିସ୍ତାନ ଭାରତ ସହିତ ଯୁଦ୍ଧରେ ବ୍ୟାପୃତ ରହେ ଏବଂ ଆନ୍ତର୍ଜାତୀକ ହସ୍ତକ୍ଷେପ ବଢେ, ତେବେ ବେଲୁଚିସ୍ତାନ ଅଲଗା ହୋଇ ପାକିସ୍ତାନର ବିଭାଜନ ନିଶ୍ଚିତ ବୋଲି କୁହାଯାଉଛି।
