…………………………………………………………………….
ବର୍ଷ ବର୍ଷ ଧରି ସାରା ବିଶ୍ୱରେ ଅନ୍ୟ ଗ୍ରହର ବାସୀନ୍ଦା ଏଲିଏନ୍ସମାନଙ୍କ ବିଷୟରେ ପ୍ରଶ୍ନ ଉଠାଯାଉଛି। ଏବେ ଆମେରିକାର ଏହି ଏଲିଏନ୍ସମାନଙ୍କ ପୃଥିବୀକୁ ଆସିବା ସମ୍ପର୍କିତ ଗୁପ୍ତ କଥା ପ୍ରକାଶ ପାଇବା ଖବର ଆଲୋଡ଼ନ ସୃଷ୍ଟି କରିଛି। ଏ ସମ୍ପର୍କିତ ସତ୍ୟତାକୁ ନେଇ ବୈଜ୍ଞାନିକମାନଙ୍କ ତଥ୍ୟ ସମ୍ବଳିତ ଦାବି ପ୍ରକାଶ ପାଇବା ପରେ ଏହି ରହସ୍ୟ ଆହୁରି ଗଭୀର ହେବାରେ ଲାଗିଛି।
ଆମେରିକା କ’ଣ ଏଲିଏନ୍ସଙ୍କ ସମ୍ପର୍କିତ ଗୁପ୍ତ କଥା ଲୁଚାଇ ରଖିଛି?
ବବ୍ ଲାଜାରସ୍ ୧୯୮୯ ମସିହାରେ ଦାବି କରିଥିଲେ ଯେ ଆମେରିକା ସରକାର ଏଲିଏନ୍ସଙ୍କୁ ଏବଂ ସେମାନଙ୍କର ପ୍ରଯୁକ୍ତିବିଦ୍ୟାକୁ ଲୁଚାଇ ରଖିଛି। ସେ କହିଥିଲେ ଯେ ସେ ଏରିଆ ୫୧ ନିକଟରେ S-୪ ନାମକ ଏକ ଗୁପ୍ତ ସ୍ଥାନରେ କାମ କରୁଥିଲେ। ସେଠାରେ ଏଲିଏନ୍ସମାନଙ୍କ ଯାନବାହାନର ଯାଞ୍ଚ କରାଯାଉଥିଲା, ଯାହା ବିଶ୍ୱରେ ହଇଚଇ ସୃଷ୍ଟି କରିଥିଲା। କିନ୍ତୁ ତାଙ୍କ ଦାବିର କୌଣସି ଠୋସ୍ ପ୍ରମାଣ ଆଜି ପର୍ଯ୍ୟନ୍ତ ମିଳିନାହିଁ।
ବବ୍ ଲାଜାରସ୍ କିଏ?
ବବ୍ ଲାଜାରସ୍ ଜଣେ ଆତ୍ମଘୋଷିତ ଭୌତିକବିଦ୍ ବୈଜ୍ଞାନିକ , ଯିଏ ଏରିଆ ୫୧ର କାହାଣୀକୁ ପ୍ରସିଦ୍ଧ କରିଥିଲେ। ସେ ଦାବି କରନ୍ତି ଯେ ସେ S-୪ରେ ଏଲିଏନ୍ ପ୍ରଯୁକ୍ତିବିଦ୍ୟା ଉପରେ କାମ କରିଥିଲେ। ୧୯୮୯ ମସିହାରେ ସେ ସାମ୍ବାଦିକ ଜର୍ଜ ନାପ୍ଙ୍କୁ ପ୍ରଥମେ ଗୁପ୍ତ ଭାବରେ ଏବଂ ପରେ ଖୋଲାଖୋଲି ଭାବରେ ତାଙ୍କ କାହାଣୀ କହିଥିଲେ। ତାଙ୍କ କଥା ଏଲିଏନ୍ ତତ୍ତ୍ୱକୁ ଆହୁରି ତ୍ୱରାନ୍ୱିତ କରିଥିଲା, କିନ୍ତୁ ତାଙ୍କ ବିଶ୍ୱସନୀୟତା ଉପରେ ପ୍ରଶ୍ନ ଉଠିଥିଲା।
ଲାଜାରସ୍ଙ୍କ ବିସ୍ଫୋରକ ଦାବି କ’ଣ ଥିଲା?
ଲାଜାରସ କହିଛନ୍ତି ଯେ ଆମେରିକା ସରକାର ଗ୍ରୁମ୍ ହ୍ରଦ ନିକଟରେ ନଅଟି ଏଲିଏନ୍ ସ୍ପେସ୍ କ୍ରାଫ୍ଟ ତଥା ମହାକାଶ ଯାନକୁ ଲୁଚାଇ ରଖିଥିଲେ। ଏହି ଯାନଗୁଡ଼ିକୁ ପର୍ବତରେ ନିର୍ମିତ ଏକ ଗୁପ୍ତ ହ୍ୟାଙ୍ଗରରେ ରଖାଯାଇଥିଲା ଏବଂ ଏହା ସମ୍ପୂର୍ଣ୍ଣ କାର୍ଯ୍ୟକ୍ଷମ ଥିଲା। ସେ କହିଥିଲେ ଯେ ଏହି ସ୍ପେସ୍ କ୍ରାଫ୍ଟଗୁଡ଼ିକ ମଣିଷ ଦ୍ୱାରା ତିଆରି କରାଯାଇ ନଥିଲା, ବରଂ ଏଲିଏନ୍ସମାନେ ଏହା ତିଆରି କରିଥିଲେ। ତାଙ୍କ କଥା ଲୋକମାନଙ୍କୁ ଆଶ୍ଚର୍ଯ୍ୟଚକିତ କରିଥିଲା, କିନ୍ତୁ ପ୍ରମାଣର ଅଭାବ ବିବାଦ ସୃଷ୍ଟି କରିଥିଲା।
ଲାଜାର ଦାବି କରିଥିଲେ ଯେ ଏଲିଏନ୍ ସ୍ପେସ୍କ୍ରାଫ୍ଟ ତତ୍ତ୍ଵ – ୧୧୫ ଉପରେ ଚାଲିଥିଲା। ଏହି ତତ୍ତ୍ଵ ଦ୍ଵାରା ଏଲିଏନ୍ସମାନଙ୍କ ଯାନ କିପରି ଚାଲୁଥିଲା , ତାହା ସେତେବେଳେ ଆମର ବିଜ୍ଞାନ ଆଉ ବୈଜ୍ଞାନିକ ଜାଣି ନଥିଲେ। ଏହି ତତ୍ତ୍ଵ ମୌଳିକ ଭାରୀ ଉର୍ଜା ଶକ୍ତି ସୃଷ୍ଟି କରିଥିଲା ଏବଂ ଗୁରୁତ୍ୱାକର୍ଷଣକୁ ନିୟନ୍ତ୍ରଣ କରୁଥିଲା। ପରେ ବୈଜ୍ଞାନିକମାନେ ମୌଳିକ 115 (ମସ୍କୋଭିୟମ୍) ଆବିଷ୍କାର କରିଥିଲେ, କିନ୍ତୁ ଏହା ଅସ୍ଥିର ଏବଂ ନିରର୍ଥକ ବୋଲି ଜଣାପଡ଼ିଥିଲା। ଲାଜାରଙ୍କ ଏହି ଦାବି ଏବେ ବି ବୈଜ୍ଞାନିକମାନଙ୍କ ମଧ୍ୟରେ ବିବାଦର ବିଷୟ ହୋଇଛି।
ମାଧ୍ୟାକର୍ଷଣ ଚାଳନର ଉଦ୍ଦେଶ୍ୟ କ’ଣ ଥିଲା?
ଲାଜାରସ କହିଛନ୍ତି ଯେ ଏଲିଏନ୍ ସ୍ପେସ୍ କ୍ରାଫ୍ଟ ରକେଟ୍ କିମ୍ବା ଜେଟ୍ ଦ୍ଵାରା ଚାଲୁନଥିଲା, ବରଂ ଗୁରୁତ୍ୱାକର୍ଷଣ ଚାଳନ ଦ୍ଵାରା ଚାଲୁଥିଲା। ଏହି ପ୍ରଯୁକ୍ତିବିଦ୍ୟା ଅନ୍ତରୀକ୍ଷ ସମୟକୁ ବଦଳାଇ ଦେଉଥିଲା, ଯାହା ଯୋଗୁ ମହାକାଶଯାନ ଅସମ୍ଭବ ଗତିରେ ଗତି କରୁଥିଲା। ତାଙ୍କ ବକ୍ତବ୍ୟ ବିଜ୍ଞାନର ସାମର୍ଥ୍ୟକୁ ଚ୍ୟାଲେଞ୍ଜ କରିଥିଲା। କିନ୍ତୁ ପ୍ରମାଣ ବିନା ଏହାକୁ କେବଳ ଏକ କାହାଣୀ ଭାବରେ ବିବେଚନା କରାଯାଇଥିଲା।
ଏସ୍ -୪ରେ କାମ କିପରି ହେଉଥିଲା?
ଲାଜାରସଙ୍କ ଅନୁଯାୟୀ ବୈଜ୍ଞାନିକମାନଙ୍କୁ ଏସ୍-୪ ରେ ଅଲଗା ଅଲଗା କରି ରଖାଯାଇଥିଲା, ଯାହା ଦ୍ୱାରା କେହି ସମ୍ପୂର୍ଣ୍ଣ ସୂଚନା ପାଇପାରିବେ ନାହିଁ। ସେ କୁହନ୍ତି ଯେ ତାଙ୍କୁ ଏକ ସ୍ୱତନ୍ତ୍ର ଯାନରେ କାମ କରିବାକୁ କୁହାଯାଇଥିଲା, ଯାହାକୁ ସେ ‘ସ୍ପୋର୍ଟ ମଡେଲ’ ନାମ ଦେଇଥିଲେ। ଏହି ଯାନଟି ତରଳ ଟାଇଟାନିୟମ ଭଳି ଧାତୁରେ ତିଆରି ହୋଇଥିଲା। କିନ୍ତୁ କୌଣସି ସହକର୍ମୀ କିମ୍ବା ଡକ୍ୟୁମେଣ୍ଟ ତାଙ୍କ କାହାଣୀକୁ ପ୍ରମାଣିତ କରେ ନାହିଁ।
ଲାଜାରସଙ୍କୁ କାହିଁକି ଧମକ ମିଳିଥିଲା?
ଲାଜାରସ ଦାବି କରନ୍ତି ଯେ ୧୯୮୯ ରେ ତଥ୍ୟ ଖୁଲାସା ହେବା ପରେ ତାଙ୍କୁ ଧମକ ମିଳିଥିଲା ଏବଂ ତାଙ୍କୁ ବଦନାମ କରାଯାଇଥିଲା। ସେ କୁହନ୍ତି ଯେ ସରକାର ତାଙ୍କ ଶିକ୍ଷା ଏବଂ ଚାକିରି ରେକର୍ଡକୁ ଲିଭାଇ ଦେଇଥିଲେ। ତଥାପି ତଦନ୍ତରୁ ଜଣାପଡିଲା ଯେ ତାଙ୍କ ଡିଗ୍ରୀ ଏବଂ ଚାକିରି ଦାବି ମିଥ୍ୟା ଥିଲା। ଏହା ତାଙ୍କ ବିଶ୍ୱସନୀୟତା ଉପରେ ଆହୁରି ପ୍ରଶ୍ନ ଉଠାଇଥିଲା।
ଲାଜାରସଙ୍କ କଥା କ’ଣ ସତ୍ୟ ?
ଲାଜାରସଙ୍କ ବିବୃତି ଏରିଆ- ୫୧ କୁ ପ୍ରସିଦ୍ଧ କରିଥିଲା, କିନ୍ତୁ ତାଙ୍କ ଦାବିର କୌଣସି ଠୋସ୍ ପ୍ରମାଣ ନାହିଁ। MIT ଏବଂ CalTech କହିଛନ୍ତି ଯେ ଲାଜାରସ ସେଠାରେ ପାଠପଢ଼ି ନଥିଲେ, ଯାହା ସେ ଦାବି କରନ୍ତି। ତାଙ୍କ ସହକର୍ମୀମାନଙ୍କର କିମ୍ବା ଡକ୍ୟୁମେଣ୍ଟ ପତ୍ତା ମିଳୁନାହିଁ। ତଥାପି କିଛି ଲୋକ ତାଙ୍କ କାହାଣୀକୁ ବିଶ୍ୱାସ କରନ୍ତି।
ଏରିଆ- ୫୧ ର ସତ୍ୟତା କ’ଣ ?
ଏରିଆ- ୫୧ ହେଉଛି ଏକ ଗୁପ୍ତ ଆମେରିକୀୟ ସାମରିକ ପ୍ରତିଷ୍ଠାନ ଯେଉଁଠାରେ U-2 ଏବଂ OXCART ଭଳି ପ୍ରକଳ୍ପ ଉପରେ କାମ କରାଯାଇଥିଲା। ୨୦୧୩ ମସିହାରେ ସି,ଆଇ,ଏ, ଏହାର ଅସ୍ତିତ୍ୱକୁ ସ୍ୱୀକାର କରିଥିଲା କିନ୍ତୁ ଏଲିଏନ୍ ସହିତ ଜଡିତ ଦାବିକୁ ପ୍ରତ୍ୟାଖ୍ୟାନ କରିଥିଲା। ଲାଜାରସଙ୍କ ଦାବି ଏହାକୁ ଏଲିଏନ୍ ସିଦ୍ଧାନ୍ତ ସହିତ ଯୋଡିଥାଏ, କିନ୍ତୁ ଆମେରିକା ସରକାର ଏହାକୁ ଏକ ସାମରିକ ପରୀକ୍ଷଣ ସ୍ଥଳ ବୋଲି କହନ୍ତି। ଏହି ସ୍ଥାନଟି ଏବେ ବି ରହସ୍ୟ ଘେରରେ ରହିଛି।
ଏହି ଆବିଷ୍କାରର ପ୍ରଭାବ କ’ଣ ଥିଲା ?
ଲାଜାରସଙ୍କ ତଥ୍ୟ ଏଲିଏନ୍ ଏବଂ UFO ତଥା ଅଜଣା ଉଡନ୍ତା ଯାନ ସିଦ୍ଧାନ୍ତକୁ ନୂତନ ଗତି ଦେଇଥିଲା ଏବଂ ଏରିଆ- ୫୧କୁ ପପ୍ ସଂସ୍କୃତିର ଏକ ଅଂଶ କରିଥିଲା। ୨୦୧୯ ମସିହାରେ ଲକ୍ଷ ଲକ୍ଷ ଲୋକ ‘ଷ୍ଟର୍ମ ଏରିଆ – ୫୧’ ନାମକ ଏକ ମଜାଦାର ଫେସବୁକ୍ କାର୍ଯ୍ୟକ୍ରମରେ ଯୋଗ ଦେଇଥିଲେ। ଲାଜାରସ ନିଜେ ଏହାକୁ ଭୁଲ୍ ବୋଲି କହିଥିଲେ। କିନ୍ତୁ ତାଙ୍କ କାହାଣୀ ଆଜି ମଧ୍ୟ ଲୋକଙ୍କୁ ଆକର୍ଷିତ କରେ। ଏହି ଆବିଷ୍କାର ବିଜ୍ଞାନ ଏବଂ ଷଡ଼ଯନ୍ତ୍ର ମଧ୍ୟରେ ଥିବା ବିତର୍କକୁ ଜୀବନ୍ତ ରଖିଛି।
