……………………………………………………………………..
ଦିଲ୍ଲୀ ମୁଖ୍ୟମନ୍ତ୍ରୀ ରେଖା ଗୁପ୍ତାଙ୍କ ଉପରକୁ ଜନଶୁଣାଣି ସମୟରେ ଆକ୍ରମଣ ହୋଇଥିବା ଖବର ଆସିଛି । ମୁଖ୍ୟମନ୍ତ୍ରୀଙ୍କ ସିଭିଲ ଲାଇନ୍ସ ସ୍ଥିତ ସରକାରୀ ବାସଭବନରେ ଆୟୋଜିତ ଜନଶୁଣାଣିରେ ତାଙ୍କ ଉପରକୁ ଆକ୍ରମଣ ହୋଇଥିବା ସୂଚନା ମିଳିଛି । କୁହାଯାଉଛି ଯେ, ଜଣେ ବ୍ୟକ୍ତି ପଥର ଭଳି କୌଣସି ଜିନିଷ ନେଇ ମୁଖ୍ୟମନ୍ତ୍ରୀଙ୍କୁ ଆକ୍ରମଣ କରିବାକୁ ଚେଷ୍ଟା କରିଥିଲେ । ସେ ମୁଖ୍ୟମନ୍ତ୍ରୀଙ୍କୁ ଏକ ଚାପୁଡ଼ା ମାରିଥିବା କୁହାଯାଉଛି। ତେବେ ଆକ୍ରମଣକାରୀ ଜଣକ ଅଧିକ କିଛି ଆକ୍ରମଣ କରିବା ପୂର୍ବରୁ ସୁରକ୍ଷା କର୍ମୀମାନେ ତାକୁ କାବୁ କରିନେଇଥିଲେ।
ମୁଖ୍ୟମନ୍ତ୍ରୀଙ୍କ ବାସଭବନ ଅଧିକାରୀଙ୍କ କହିବା ଅନୁସାରେ ଯେତେବେଳେ ମୁଖ୍ୟମନ୍ତ୍ରୀ ଜନଶୁଣାଣୀ କରୁଥିଲେ, ଜଣେ ବ୍ୟକ୍ତି ତାଙ୍କ ଅଭିଯୋଗ ନେଇ ସେଠାରେ ପହଞ୍ଚିଥିଲେ । ଏହି ସମୟରେ ସେ ମୁଖ୍ୟମନ୍ତ୍ରୀଙ୍କ ଉପରକୁ ଆକ୍ରମଣ କରିଥିଲେ । ଦିଲ୍ଲୀ ବିଜେପି ମୁଖମାତ୍ର ପ୍ରବୀଣ ଶଙ୍କର କହିଛନ୍ତି ଯେ, ଜଣେ ବ୍ୟକ୍ତି ଜନଶୁଣାଣୀବେଳେ ମୁଖ୍ୟମନ୍ତ୍ରୀଙ୍କ ପାଖକୁ ଆସିଥିଲେ । ସେ ପ୍ରଥମେ କିଛି କାଗଜପତ୍ର ଦେଖାଇଥିଲେ । ଏହାପରେ ଚିତ୍କାର କରିବାକୁ ଲାଗିଥିଲେ । ମୁଖ୍ୟମନ୍ତ୍ରୀଙ୍କୁ ଚାପୁଡା ମାରିଥିଲେ । ବ୍ୟକ୍ତିଜଣଙ୍କୁ ହେପାଜତକୁ ନିଆଯାଇଛି । ‘ଜଣଶୁଣାଣି’କୁ ପଥଭ୍ରଷ୍ଟ କରିବାକୁ ଏପରି କରାଯାଇଛି।
ସୂତ୍ରରୁ ପ୍ରକାଶ ଯେ ଅଭିଯୁକ୍ତ ପ୍ରଥମେ ରେଖା ଗୁପ୍ତାଙ୍କୁ ଚାପୁଡ଼ା ମାରିଲା। ଏହା ପରେ ସେ ତାଙ୍କ ଉପରେ ଝାମ୍ପି ପଡ଼ି ତାଙ୍କୁ ଠେଲିଦେଲା। କିନ୍ତୁ ତାଙ୍କ ପଛପଟେ କାନ୍ଥ ଥିବା ଯୋଗୁ ରେଖା ଗୁପ୍ତା ତଳେ ନ ପଡି କାନ୍ଥରେ ଆଉଜି ହୋଇରହିଗଲେ , ଫଳରେ ସେ ଏକ ଗୁରୁତର ଆଘାତରୁ ବର୍ତ୍ତି ଗଲେ।କିନ୍ତୁ ଏହି ସମୟ ମଧ୍ୟରେ ଅଭିଯୁକ୍ତ ତାଙ୍କ କେଶକୁ ଧରି ପକାଇଲେ। ସେଠାରେ ଉପସ୍ଥିତ ଲୋକମାନେ ଅଭିଯୁକ୍ତକୁ ନିୟନ୍ତ୍ରଣ କରିବାକୁ ଚେଷ୍ଟା କଲେ। ଲୋକମାନେ ଅଭିଯୁକ୍ତଙ୍କ ହାତକୁ ଏପରି ପିଟିଲେ ଯେ ସେ ଯେପରି କେଶକୁ ଛାଡିଦେବେ। ମୁଖ୍ୟମନ୍ତ୍ରୀ ଗୃହରେ ପ୍ରାୟ ଗୋଟିଏ ମିନିଟ୍ ପର୍ଯ୍ୟନ୍ତ ଏହି ହଙ୍ଗାମା ଜାରି ରହିଥିଲା।
ଦିଲ୍ଲୀ ପୋଲିସ ଅନୁଯାୟୀ ଅଭିଯୁକ୍ତଙ୍କୁ ଗୁଜୁରାଟର ରାଜକୋଟ ନିବାସୀ ରାଜେଶ ଭାଇ ଖିମଜୀ ଭାଇ ସାକାରିଆ ଭାବରେ ଚିହ୍ନଟ କରାଯାଇଛି। ତାଙ୍କ ବୟସ ୪୧ ବର୍ଷ ବୋଲି କୁହାଯାଉଛି। ବର୍ତ୍ତମାନ ସେ ପୋଲିସ ହେପାଜତରେ ଅଛନ୍ତି ଏବଂ ତାଙ୍କୁ ପଚରାଉଚରା କରାଯାଉଛି। ପୋଲିସ ମଧ୍ୟ ଘଟଣା ବିଷୟରେ ଗୃହ ମନ୍ତ୍ରଣାଳୟକୁ ସମ୍ପୂର୍ଣ୍ଣ ସୂଚନା ଦେଇଛି।
ରାଜେଶ ପୂର୍ବରୁ ରେକି କରିଥିଲେ- ପୋଲିସ ତଦନ୍ତରୁ ଜଣାପଡିଛି ଯେ ଅଭିଯୁକ୍ତ ରାଜେଶ ଖିମଜୀ ରେଖା ଗୁପ୍ତାଙ୍କ ଉପରେ ଆକ୍ରମଣ କରିବା ପୂର୍ବରୁ ତାଙ୍କ ବାସଭବନର ରେକି କରିଥିଲେ। ଅଭିଯୁକ୍ତ ପୋଲିସକୁ କହିଥିଲେ ଯେ ସେ ସିଭିଲ୍ ଲାଇନ୍ସ ଅଞ୍ଚଳରେ ରାତି ବିତାଇଥିଲେ। ସେ ତାଙ୍କ ମୋବାଇଲ୍ ଫୋନ୍ ରୁ ମୁଖ୍ୟମନ୍ତ୍ରୀଙ୍କ ଜନଶୁଣାଣି ବିଷୟରେ ସୂଚନା ପାଇଥିଲେ। ଅଭିଯୁକ୍ତ ପୋଲିସକୁ କହିଥିଲେ ଯେ ସେ ଆକ୍ରମଣ କରିବା ଉଦ୍ଦେଶ୍ୟରେ ଏହି ଜନଶୁଣାଣିକୁ ଆସିଥିଲେ। ତାଙ୍କର କୌଣସି ପ୍ରକାରର ଅଭିଯୋଗ ନଥିଲା।
ଜନଶୁଣାଣି ସମୟରେ ଚାପୁଡ଼ା- ପୋଲିସ ଅନୁଯାୟୀ ପ୍ରାରମ୍ଭିକ ତଦନ୍ତରୁ ଜଣାପଡିଛି ଯେ ଅଭିଯୁକ୍ତ ପ୍ରଥମେ ମୁଖ୍ୟମନ୍ତ୍ରୀ ରେଖା ଗୁପ୍ତାଙ୍କ ହାତ ଧରି ଟାଣି ନେଇଥିଲେ ଏବଂ ପରେ ତାଙ୍କୁ ଚାପୁଡ଼ା ମାରିଥିଲେ। ପୋଲିସ ବର୍ତ୍ତମାନ ଅଭିଯୁକ୍ତଙ୍କୁ ସମଗ୍ର ମାମଲା ସମ୍ପର୍କରେ ପଚରାଉଚରା କରୁଛି।
ଅଭିଯୁକ୍ତ ପ୍ରଥମେ ପଥର ଫିଙ୍ଗିବାକୁ ଚେଷ୍ଟା କରିଥିଲେ ଏବଂ ପରେ ମୁଖ୍ୟମନ୍ତ୍ରୀଙ୍କୁ ଚାପୁଡ଼ା ମାରିବାକୁ ଚେଷ୍ଟା କରିଥିଲେ। ତଥାପି ଘଟଣାସ୍ଥଳରେ ଉପସ୍ଥିତ ସୁରକ୍ଷା କର୍ମୀମାନେ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରି ଆକ୍ରମଣକାରୀଙ୍କୁ ଧରିଥିଲେ। ମୁଖ୍ୟମନ୍ତ୍ରୀ ସାମାନ୍ୟ ଆହତ ହୋଇଛନ୍ତି, କିନ୍ତୁ ସୁରକ୍ଷା କର୍ମୀଙ୍କ ତତ୍ପରତା ଯୋଗୁଁ ଏକ ବଡ଼ ଦୁର୍ଘଟଣା ଏଡାଇ ଯାଇଛି।
Z ବର୍ଗର ସୁରକ୍ଷା ଉପରେ ପ୍ରଶ୍ନ –
ମୁଖ୍ୟମନ୍ତ୍ରୀ ଭାବରେ ଶପଥ ନେବା ପରେ ହିଁ ଗୃହ ମନ୍ତ୍ରଣାଳୟ ଦ୍ୱାରା ରେଖା ଗୁପ୍ତାଙ୍କୁ Z ବର୍ଗର ସୁରକ୍ଷା ଦିଆଯାଇଥିଲା। ଏହି ସୁରକ୍ଷା ଘେରରେ କମାଣ୍ଡୋ ସମେତ ୨୨ ରୁ ୨୫ ସୁରକ୍ଷା କର୍ମୀ ନିୟୋଜିତ ହୋଇଛନ୍ତି। ଏହା ସତ୍ତ୍ୱେ ଜଣେ ସାଧାରଣ ନାଗରିକ ମୁଖ୍ୟମନ୍ତ୍ରୀଙ୍କ ପାଖରେ ପହଞ୍ଚି ତାଙ୍କ ଉପରେ ଆକ୍ରମଣ କରିବା ସୁରକ୍ଷା ପ୍ରୋଟୋକଲର ବିଫଳତାକୁ ପ୍ରକାଶ କରେ। ଆକ୍ରମଣକାରୀଙ୍କୁ ତୁରନ୍ତ ହେପାଜତକୁ ନିଆଯାଇ ପଚରାଉଚରା ଚାଲିଛି। ଦିଲ୍ଲୀ ପୋଲିସ କମିଶନର ନିଜେ ଘଟଣାସ୍ଥଳରେ ପହଞ୍ଚି ସୁରକ୍ଷା ବ୍ୟବସ୍ଥା ସମୀକ୍ଷା କରିଛନ୍ତି।
ଦିଲ୍ଲୀ ମୁଖ୍ୟମନ୍ତ୍ରୀ ରେଖା ଗୁପ୍ତାଙ୍କ ଉପରେ ଆକ୍ରମଣ ମାମଲା ସାରା ଦେଶରେ ଆଲୋଚନାର ବିଷୟ ପାଲଟିଛି। ପୋଲିସ ଅଭିଯୁକ୍ତ ରାଜେଶ ଖିମଜୀଙ୍କୁ ପଚରାଉଚରା କରୁଛି। ଏହି ସମୟରେ ଅଭିଯୁକ୍ତ ରାଜେଶଙ୍କ ମାଆ ଭାନୁ ବେନଙ୍କ ବୟାନ ସାମ୍ନାକୁ ଆସିଛି। ସେ କହିଛନ୍ତି ଯେ ତାଙ୍କ ପୁଅ ଜଣେ ପଶୁପ୍ରେମୀ ଏବଂ ରାସ୍ତାରୁ କୁକୁରମାନଙ୍କୁ ହଟାଇବା ପାଇଁ କୋର୍ଟ ନିର୍ଦ୍ଦେଶ ପରେ ସେ ବହୁତ ଦୁଃଖିତ ଥିଲେ। ଏହି କାରଣରୁ ସେ ଦିଲ୍ଲୀ ଯାଇଥିଲେ।
ଏକ ପ୍ରକାରେ ଅଭିଯୁକ୍ତ ରାଜେଶ ଖିମଜୀଙ୍କ ମାଆ ମୁଖ୍ୟମନ୍ତ୍ରୀ ରେଖାଙ୍କ ଉପରେ ଆକ୍ରମଣ ସମ୍ପର୍କରେ ତାଙ୍କ ପୁଅର ପକ୍ଷ ରଖିଛନ୍ତି। ଆପଣଙ୍କୁ ଜଣାଇ ଦେଉଛୁ ଯେ ଦିଲ୍ଲୀ ପୋଲିସ ରାଜେଶ ଖିମଜୀଙ୍କ ମାଆଙ୍କ ସହିତ ଯୋଗାଯୋଗ କରିଥିଲା। ଯେତେବେଳେ ପୋଲିସ ଖିମଜୀଙ୍କ ମାଆଙ୍କ ସହ କଥା ହୋଇଥିଲା, ସେ ଏହି ଘଟଣା ସଂପର୍କରେ କୈାଣସି ଦୁଃଖ ପ୍ରକାଶ କରିନଥିଲେ।
