ଇଏ କିଛି ବେଶୀ ଦିନ ତଳର କଥା ନୁହେଁ। ଏହା କିଛି ମାସ ପୂର୍ବର କଥା । ମଧ୍ୟପ୍ରଦେଶର ଜଣେ ୨୧ ବର୍ଷୀୟ ବିବାହିତ ମହିଳା ତାଙ୍କ ସ୍ୱାମୀଙ୍କ ଉପରେ ଅଭିଯୋଗ କରିଥିଲେ ଯେ ସେ ତାଙ୍କୁ “ସ୍ତ୍ରୀ ସ୍ୱାପିଂ” ପାର୍ଟିରେ ତଥା ସ୍ତ୍ରୀ ଅଦଳବଦଳ ପାର୍ଟିରେ ଯୋଗ ଦେବାକୁ ବାଧ୍ୟ କରୁଛନ୍ତି। ପୀଡିତାଙ୍କ ସ୍ୱାମୀ ଚାହାଁନ୍ତି ଯେ ସେ ପାର୍ଟିରେ ଯୋଗ ଦିଅନ୍ତୁ ଏବଂ ଅନ୍ୟ ପୁରୁଷଙ୍କ ସହ ଶାରୀରିକ ସମ୍ପର୍କ ରଖନ୍ତୁ।
ମଧ୍ୟପ୍ରଦେଶର ରାଜଧାନୀ ଭୋପାଳର କୋହେଫିଜା ଅଞ୍ଚଳର ଏହି ୨୧ ବର୍ଷୀୟ ଯୁବତୀଙ୍କ ବିବାହ ବିକାନେରର ଏକ ପଞ୍ଚତାରକା ହୋଟେଲରେ ପରିଚାଳକ ଥିବା ଜଣେ ବ୍ୟକ୍ତିଙ୍କ ସହ ହୋଇଥିଲା । ତେଣୁ ବିବାହ ପରେ ସେ ତାଙ୍କ ସ୍ୱାମୀଙ୍କ ସହିତ ବିକାନେରରେ ରହିବା ଆରମ୍ଭ କରିଥିଲେ।
ପୀଡିତା ଅଭିଯୋଗ କରିଛନ୍ତି ଯେ ବିବାହର କିଛି ଦିନ ମଧ୍ୟରେ ତାଙ୍କ ସ୍ୱାମୀ ତାଙ୍କୁ ସ୍ତ୍ରୀ ସ୍ୱାପିଂ ପାର୍ଟିରେ ଯୋଗଦେବା ଏବଂ ଏହାର ଅଂଶ ହେବା ପାଇଁ ଚାପ ପକାଇବା ଆରମ୍ଭ କରିଥିଲେ। ଅସୁସ୍ଥତାର ବାହାନା କରି ଯୁବତୀ ଜଣକ ଭୋପାଳରେ ତାଙ୍କ ମାଆଙ୍କ ଘରକୁ କଷ୍ଟରେ ପଳାଇଆସିବାରେ ସକ୍ଷମ ହେଲେ।
ଏହି ଯୁବତୀଙ୍କ ଅଭିଯୋଗ କ୍ରମେ ପୋଲିସ ତାଙ୍କ ସ୍ୱାମୀଙ୍କ ବିରୋଧରେ ଧାରା ୩୭୭, ୪୯୮ ଏ, ୩୨୩, ୫୦୬, ୩୪, ୩/୪ ଅନୁଯାୟୀ ଏକ ଏଫଆଇଆର ରୁଜୁ କରିଛି। ଏହା ସ୍ତ୍ରୀ ଅଦଳବଦଳର ଏକମାତ୍ର ଘଟଣା ନୁହେଁ କିମ୍ବା ବିକାନେର ଏକମାତ୍ର ସ୍ଥାନ ନୁହେଁ ଯେଉଁଠାରେ ସ୍ତ୍ରୀ ଅଦଳବଦଳର ଏହି ବିକୃତ ଖେଳ ଖେଳାଯାଉଛି। ଏବେ, ଦିଲ୍ଲୀ, ମୁମ୍ବାଇ, କୋଲକାତା, ଚେନ୍ନାଇ ଏବଂ ଦେଶର ଅନ୍ୟାନ୍ୟ ମହାନଗର ଭଳି ମେଟ୍ରୋ ସହର ପରି, ଅନେକ ଛୋଟ ସହର ମଧ୍ୟ ଏହି ଖେଳର କବଳରେ ଆସିଗଲେଣି। ବଡ଼ ବଡ ସହରରେ ଏପରି ଘୃଣ୍ୟ ପାର୍ଟି ଚାଲିବା ସ୍ଵାଭାବିକ ହୋଇପାରେ। କିନ୍ତୁ ବିଶ୍ୱ ପ୍ରସିଦ୍ଧ ଧାର୍ମିକ ସହର ମଥୁରା ଏ କ୍ଷେତ୍ରରେ ପ୍ରଗତି ଦୌଡ଼ରେ ପଛରେ ପଡ଼ିଥିବା ପରି ମନେହୁଏ ନାହିଁ। ହୁଏତ ଏଥିରେ ଏବେ ବି ପ୍ରଗତିକୁ ପରିଭାଷିତ କରୁଥିବା ଅନେକ ସୁବିଧାର ଅଭାବ ଅଛି। ଦେଶ ଏବଂ ବିଶ୍ୱର ପ୍ରଗତି ସହିତ ତାଳ ଦେବା ପାଇଁ ଏହାକୁ ବହୁତ ସମୟ ଲାଗିପାରେ, କିନ୍ତୁ ସ୍ତ୍ରୀ ସ୍ୱାପିଂ କ୍ଷେତ୍ରରେ, ଏହି କୃଷ୍ଣ ନଗରୀ ଅନ୍ୟ ମହାନଗର ଏବଂ ସହରଗୁଡ଼ିକଠାରୁ କୌଣସି ଗୁଣରେ ପଛରେ ନାହିଁ।
ହଁ! କେହି ବିଶ୍ୱାସ କରୁ କି ନ କରୁ, ଆଶ୍ଚର୍ଯ୍ୟକର ସତ୍ୟ ହେଉଛି ଯେ ବିଶ୍ୱର ଧାର୍ମିକ, ସାଂସ୍କୃତିକ, ଆଧ୍ୟାତ୍ମିକ ଏବଂ ସାହିତ୍ୟିକ ଐତିହ୍ୟକୁ ଅଣଦେଖା କରି, ଏହି ସହର ଏପରି ଏକ ଦିଗକୁ ମୋଡ଼ ନେଇଛି ଯେ ଏହା ବିଷୟରେ ଚିନ୍ତା କରିବା ମଧ୍ୟ ଜଣେ ସାଧାରଣ ଲୋକଙ୍କ ପାଇଁ ଏକ ମହାପାପଠାରୁ କମ୍ ନୁହେଁ।
ଦମ୍ପତି ଅଦଳବଦଳ ଖେଳ କଣ ?
……………………………………………………………………. "ୱାଇଫ୍ ସ୍ବାପିଂ" କିମ୍ବା "କପଲ୍ ସ୍ବାପିଂ" ତଥା ଦମ୍ପତି ଅଦଳବଦଳ ନାମକ ଏହି ଖେଳରେ ପ୍ରାୟତଃ ଧନୀ ପରିବାରର ଲୋକମାନେ ଏକ ଗ୍ରୁପ୍ ତଥା ଗୋଷ୍ଠୀ ଗଠନ କରନ୍ତି ଏବଂ ଏହି ଗୋଷ୍ଠୀ ତା'ପରେ ସ୍ତ୍ରୀ ସ୍ବାପିଂ କରନ୍ତି। ସ୍ତ୍ରୀ ଅଦଳବଦଳରେ ନଗ୍ନ ଏବଂ ଅର୍ଦ୍ଧ-ନଗ୍ନ "ଗ୍ରୁପ୍ ନୃତ୍ୟ" ଠାରୁ ଆରମ୍ଭ କରି "ଗ୍ରୁପ୍ ସେକ୍ସ" ପର୍ଯ୍ୟନ୍ତ ସବୁକିଛି ଅନ୍ତର୍ଭୁକ୍ତ।
ଏଥିପାଇଁ ସମସ୍ତଙ୍କ ସମ୍ମତିରେ ସହରର ଉପକଣ୍ଠରେ ଏକ ଭଲ ହୋଟେଲର ଏକ ହଲ୍ ଏବଂ କୋଠରୀ ବୁକ୍ କରାଯାଏ, ଯେଉଁଠାରେ ଗୋଷ୍ଠୀର ଦମ୍ପତିମାନେ ପୂର୍ବ ନିର୍ଦ୍ଧାରିତ ତାରିଖ ଏବଂ ସମୟରେ ନିଜସ୍ୱ ଯାନବାହାନରେ ଆସିପହଞ୍ଚିଥାଆନ୍ତି। ଏହି ଖେଳରେ ଅଂଶଗ୍ରହଣ କରିବା ଲାଗି ଦମ୍ପତି ଯୋଡା ରହିବା ଯେତିକି ଗୁରୁତ୍ଵପୂର୍ଣ୍ଣ, ସେତିକି ଗୁରୁତ୍ୱପୂର୍ଣ୍ଣ ଅଟେ ପ୍ରତ୍ୟେକ ଦମ୍ପତିଙ୍କ ପାଖରେ କାର୍ ରହିବା। ଖେଳଟି ମାଦକ ପାନୀୟ କିମ୍ବା ଡ୍ରଗ୍ସ ସହିତ ଆରମ୍ଭ ହୁଏ ଏବଂ ତା’ପରେ ନିଶା ବଢ଼ିବା ସହିତ ଖେଳ ଆରମ୍ଭ ହୁଏ।
ଖେଳ ଆରମ୍ଭ କରିବା ପାଇଁ ଗୋଷ୍ଠୀର ସମସ୍ତ ସଦସ୍ୟ ହଲ୍ ର ଲାଇଟ୍ ବନ୍ଦ କରିଦିଅନ୍ତି ଏବଂ ସେମାନଙ୍କ ଯାନର ଚାବିଗୁଡ଼ିକୁ ଏକ ଟେବୁଲ ଉପରେ ରଖନ୍ତି ଏବଂ ତା’ପରେ, ଅନ୍ଧାରରେ ଗୋଷ୍ଠୀର ପୁରୁଷ ସଦସ୍ୟମାନେ ଗୋଟିଏ ଗୋଟିଏ ଯାନର ଚାବି ଉଠାଇ ନିଅନ୍ତି। ଯିଏ ଯାହାର ଗାଡ଼ିର ଚାବି ପାଏ, ସେ ସେହି ସଦସ୍ୟଙ୍କ ସ୍ତ୍ରୀ ସହିତ ଖେଳ ଖେଳିବାକୁ ଅଧିକାର ପାଇଯାଏ।
ଚାବି ବିନିମୟ ପରେ ପୁରୁଷ ସଦସ୍ୟମାନେ ସେମାନଙ୍କର ମହିଳା ସାଥୀମାନଙ୍କୁ ହୋଟେଲରେ ପୂର୍ବରୁ ବୁକ୍ ହୋଇଥିବା କୋଠରୀକୁ ନେଇଯାଆନ୍ତି ଏବଂ ତା’ପରେ ସେଠାରେ ଏହି ମୁକ୍ତ ଯୌନ ଖେଳ ଆରମ୍ଭ ହୁଏ।
ଏହା ବ୍ୟତୀତ ଏହି ଖେଳରେ, କିଛି ଲୋକ ହଲ୍ ଭିତରେ ପରସ୍ପରର ସ୍ତ୍ରୀଙ୍କ ସହିତ ଯାହା ଇଚ୍ଛା ସେହି ଆଚରଣ କରିବାକୁ ମୁକ୍ତ ଅଟନ୍ତି, ଏପରି କି କିଛି ଲୋକ ଦୁଇ ଏବଂ ତିନି ଜଣିଆ ଗୋଷ୍ଠୀରେ ଗୋଷ୍ଠୀ ଯୌନ ସମ୍ପର୍କ ସ୍ଥାପନ କରନ୍ତି।
ସ୍ପଷ୍ଟ ଭାବରେ ଏହି ସମଗ୍ର ଖେଳର ବିଶ୍ୱସ୍ତ ଏବଂ ଅଂଶୀଦାର ହେଉଛନ୍ତି ସେହି ହୋଟେଲ ମାଲିକ, ଯାହାଙ୍କ ହୋଟେଲରେ ଏହା ଖେଳାଯାଉଛି। ଏଥିପାଇଁ ସେ ଭଲ ପରିମାଣର ଟଙ୍କା ପାଆନ୍ତି, ତାହା ଭିନ୍ନ କଥା।
ଏ ତ ହେଲା ଦେଶର ବିଭିନ୍ନ ନଗରୀରେ ଚାଲିଥିବା ସ୍ତ୍ରୀ ଅଦଳବଦଳ ଖେଳର ବିକୃତ ନୀତି ନିୟମ। ଏବେ ମଥୁରା କଥାକୁ ପୁଣି ଫେରିଆସିଲେ ଜଣାଯାଏ ଯେ ମଥୁରାର ନୂତନ ଧନୀ ଲୋକମାନେ ଏହି ଖେଳ ପ୍ରତି ନିଶାଗ୍ରସ୍ତ ହୋଇଯାଇଛନ୍ତି । କାରଣ ଏ ପ୍ରକାର କ୍ଲବ୍ ସଂସ୍କୃତି ସମାଜ ସେବାର କାର୍ଯ୍ୟ କରୁଥିବା କିମ୍ବା ସମାଜ ସେବା କରୁଥିବାର ଦାବି କରୁଥିବା କୁହାଯାଉଛି।
ଏ ସବୁ ବ୍ୟତୀତ କିଛି ଲୋକ ବ୍ୟକ୍ତିଗତ କ୍ଲବ୍ କିମ୍ବା ଗୋଷ୍ଠୀ ମଧ୍ୟ ଗଠନ କରିଛନ୍ତି ଏବଂ ସେମାନଙ୍କ ଆବରଣରେ ବିଭିନ୍ନ କାର୍ଯ୍ୟକ୍ରମ ଆୟୋଜନ କରିଚାଲିଛନ୍ତି। ଯାହାର ପ୍ରକୃତ ଉଦ୍ଦେଶ୍ୟ ହେଉଛି ସେମାନଙ୍କ ମଧ୍ୟରୁ ଚୟନ କରି ‘ସ୍ତ୍ରୀ ସ୍ୱାପିଂ’ କିମ୍ବା ‘କପଲ୍ ସ୍ୱାପିଂ’ ପାଇଁ ଏକ ପୃଥକ ଗୋଷ୍ଠୀ ଗଠନ କରିବା।
ବିଶ୍ୱସ୍ତ ସୂତ୍ରରୁ ମିଳିଥିବା ସୂଚନା ଅନୁଯାୟୀ ନିକଟ ଅତୀତରେ ଏହି ଧାର୍ମିକ ସହରର ଏକ ବିଶେଷ ନାମୀ ଦାମୀ ବର୍ଗର ଯୁବକ ଯୁବତୀଙ୍କ ହଠାତ୍ ସନ୍ଦେହଜନକ ମୃତ୍ୟୁ ପଛରେ ଏହି ଅଦଳବଦଳ ଖେଳ ହିଁ କାରଣ ବୋଲି କୁହାଯାଉଛି। କାରଣ ଏହାର ପରବର୍ତ୍ତୀ ପ୍ରଭାବ ଶେଷରେ ଏପରି ଫଳାଫଳ ଆଣିଥାଏ।
ଯଦି ସୂତ୍ରଗୁଡ଼ିକୁ ବିଶ୍ୱାସ କରାଯାଏ, ତେବେ ଏହି ଖେଳରେ ଜଣେ ପ୍ରସିଦ୍ଧ ହୋଟେଲ ମାଲିକଙ୍କ ବିବାହିତ ଭଉଣୀ ପ୍ରାଣ ହରାଇଛନ୍ତି। ତାଙ୍କ ବାପ ଘରେ ଆତ୍ମହତ୍ୟା କରିଥିବାରୁ ତାଙ୍କ ମୃତ୍ୟୁକୁ ଆତ୍ମହତ୍ୟା ବୋଲି ପ୍ରଚାର କରାଯାଇଥିଲା। କିନ୍ତୁ କୁହାଯାଏ ଯେ ଏହା ପଛରେ ପ୍ରକୃତ କାରଣ ଥିଲା ସ୍ତ୍ରୀ ଅଦଳବଦଳର ଖେଳ।
ଏହା ବ୍ୟତୀତ କିଛି ଦିନ ପୂର୍ବେ ଜଣେ ବିଲଡରଙ୍କ ଯୁବକ ପୁଅର ସନ୍ଦେହଜନକ ମୃତ୍ୟୁ ଏବଂ ହୋଟେଲ ରୁମରେ ଅନ୍ୟ ଜଣେ ବଡ଼ ବ୍ୟବସାୟୀଙ୍କ ମଧ୍ୟବୟସ୍କ ପୁଅର ମୃତ୍ୟୁ ଘଟଣା ହେଉ, ସମସ୍ତଙ୍କ ପଛରେ ସମାନ ଖେଳ ଥିବା କୁହାଯାଉଛି।
ଯେଉଁ ପରିବାରଗୁଡ଼ିକରେ ଏହି ମୃତ୍ୟୁ ଘଟିଛି, ସେମାନେ ଚୁପ୍ ଚାପ୍ ସ୍ୱରରେ ସ୍ୱୀକାର କରନ୍ତି ଯେ ଅବୈଧ ସମ୍ପର୍କ ଏହି ମୃତ୍ୟୁର କାରଣ ଥିଲା, କିନ୍ତୁ ସେମାନେ ସ୍ତ୍ରୀ ଅଦଳବଦଳ ଖେଳରେ ସେମାନଙ୍କର ସମ୍ପୃକ୍ତିକୁ ସିଧାସଳଖ ସ୍ୱୀକାର କରନ୍ତି ନାହିଁ।
ଯେହେତୁ ଏହି ଖେଳ ଯୋଗୁଁ HIV AIDS ଏବଂ ଆଜିକାଲି ଅନ୍ୟାନ୍ୟ ସଂକ୍ରାମକ ରୋଗ ଉପହାର ସ୍ୱରୂପ ପାଇବାର ସମ୍ଭାବନା ରହିଛି, ତେଣୁ ଏହାର ଫଳାଫଳ କୌଣସି ନା କୌଣସି ସ୍ତରରେ ଘାତକ ହେବା ନିଶ୍ଚିତ। ଏପରି ପରିସ୍ଥିତିରେ, ସ୍ୱାମୀ ଏବଂ ସ୍ତ୍ରୀ ପରସ୍ପରକୁ ଦୋଷ ଦେବାକୁ ଚେଷ୍ଟା କରନ୍ତି, ଯାହା ଫଳରେ ଘରୋଇ କଳହ ବୃଦ୍ଧି ପାଏ। ପ୍ରତିଦିନର ଘରୋଇ ଅଶାନ୍ତିର ପରିଣାମ ପୁଣି କିଛି ଅପ୍ରୀତିକର ଘଟଣା ରୂପରେ ବାହାରକୁ ଆସେ।
ଏହି ଖେଳ ସହିତ ଜଡିତ ଲୋକଙ୍କଠାରୁ ମିଳିଥିବା ସୂଚନା ଅନୁଯାୟୀ, ଯଦିଓ ଏହି ଖେଳ ବହୁ ବର୍ଷ ପୂର୍ବରୁ ଧାର୍ମିକ ନଗରୀ ମଥୁରାରେ ଆରମ୍ଭ ହୋଇଥିଲା, ଗତ ପାଞ୍ଚ ବର୍ଷ ମଧ୍ୟରେ ଏହା ଗତି ପାଇଛି। ଗତ ପାଞ୍ଚ ବର୍ଷ ମଧ୍ୟରେ, ମଥୁରାରେ ଏହି ଖେଳର ଅନେକ ଗୋଷ୍ଠୀ ଗଠନ ହୋଇଛି ଏବଂ ଏହି କାରଣରୁ, ତଥାକଥିତ ସମ୍ଭ୍ରାନ୍ତ ପରିବାରର ଅନେକ ଯୁବକ ସନ୍ଦେହଜନକ ପରିସ୍ଥିତିରେ ମୃତ୍ୟୁବରଣ କରିଛନ୍ତି।
ଆଜି ପର୍ଯ୍ୟନ୍ତ, ଏପରି କୌଣସି ମାମଲା ପୋଲିସ ପାଖରେ ପହଞ୍ଚି ନଥିବାରୁ ପୋଲିସ ଏସବୁର ତଦନ୍ତ ନେଇ କୈାଣସି ଆଗ୍ରହ ପ୍ରକାଶ କରୁନାହିଁ,ମାମଲା ସବୁ ଧନୀ ଲୋକଙ୍କ ସହ ଜଡିତ।
ଏହି କାରଣରୁ ଧର୍ମର ଏହି ସହରରେ ସ୍ତ୍ରୀ ବଦଳାଇବାର ଏହି ଖେଳ କେବଳ ନିରନ୍ତର ଜାରି ରହିନାହିଁ , ବରଂ ଦିନକୁ ଦିନ ବୃଦ୍ଧି ପାଉଛି।
