ଆମେରିକାରେ ଜୋ ବିଡେନଙ୍କୁ କ୍ଷମତାରୁ ହଟାଇବା ପାଇଁ ଡୋନାଲ୍ଡ ଟ୍ରମ୍ପଙ୍କୁ ସମର୍ଥନ କରିଥିଲେ ଏଲୋନ ମସ୍କ। ମସ୍କଙ୍କ ସହାୟତାରେ ଟ୍ରମ୍ପ କ୍ଷମତାକୁ ଆସିଥିଲେ। କ୍ଷମତାକୁ ଆସିବା ପରେ ଟ୍ରମ୍ପ ମସ୍କଙ୍କୁ ହ୍ୱାଇଟ୍ ହାଉସରେ ଏକ ବଡ଼ ଦାୟିତ୍ୱ ମଧ୍ୟ ଦେଇଥିଲେ। ମସ୍କଙ୍କୁ ସରକାରୀ ଦକ୍ଷତା ବିଭାଗର ଦାୟିତ୍ୱ ଦିଆଯାଇଥିଲା।
ମସ୍କ ମଧ୍ୟ ଟ୍ରମ୍ପଙ୍କ ପାଇଁ ଫ୍ରଣ୍ଟ ଫୁଟ୍ ରେ ଖେଳୁଛନ୍ତି, ଅର୍ଥାତ୍ ସବୁ କାମରେ ମସ୍କ ଆଗରେ ରହିଛନ୍ତି। କିନ୍ତୁ ଏକ ସର୍ଭେ ଟ୍ରମ୍ପଙ୍କ ଟେନସନକୁ ବଢ଼ାଇ ଦେଇଛି। ସିଏନଏନର ସର୍ଭେ କହୁଛି ଯେ ମସ୍କ ଟ୍ରମ୍ପଙ୍କ ପାଇଁ ଭସ୍ମାସୁର ହୋଇପାରନ୍ତି।
ସିଏନଏନ ସର୍ଭେରେ କ’ଣଅଛି?
ସର୍ଭେରେ ସାମିଲ ହୋଇଥିବା ୫୪ ପ୍ରତିଶତ ଆମେରିକୀୟ କହିଛନ୍ତି ଯେ ମସ୍କ ଟ୍ରମ୍ପଙ୍କ କାମରେ ହସ୍ତକ୍ଷେପ କରନ୍ତି। ମସ୍କ ତାଙ୍କ ସୁବିଧା ଅନୁସାରେ କର୍ମଚାରୀମାନଙ୍କୁ କାଢି ଦେଉଛନ୍ତି, ଯାହା ଭବିଷ୍ୟତରେ ପ୍ରଭାବ ପକାଇପାରେ। ଅଧିକାଂଶ ଲୋକ ବିଶ୍ୱାସ କରୁଥିଲେ ଯେ ଟ୍ରମ୍ପ ପ୍ରଶାସନର ଖର୍ଚ୍ଚ ଉପରେ ମସ୍କଙ୍କର ପ୍ରଭାବ ବା ହାତ ରହିଛି । ସର୍ଭେରେ ଭାଗ ନେଇଥିବା ଲୋକଙ୍କ ମଧ୍ୟରୁ ୪୨ ପ୍ରତିଶତ ଲୋକ କହିଛନ୍ତି ଯେ ଟ୍ରମ୍ପ ଯାହା କରୁଛନ୍ତି ତାହା ଭୁଲ ଏବଂ ଏହା କୌଣସି ପ୍ରକାରେ ଆମେରିକୀୟଙ୍କ ପାଇଁ ଲାଭଦାୟକ ହେବ ନାହିଁ। ଟ୍ରମ୍ପଙ୍କ ଏହି କାର୍ଯ୍ୟର ଆମେରିକୀୟ ଅର୍ଥନୀତି ଏବଂ ବିକାଶ କାର୍ଯ୍ୟ ଉପରେ ସାମାନ୍ୟ ପ୍ରଭାବ ଅବଶ୍ୟ ପଡ଼ିବ।
ସର୍ଭେରେ ଏକ ଆଶ୍ଚର୍ଯ୍ୟଜନକ ଖୁଲାସା ମଧ୍ୟ ହୋଇଛି। ତାହା ହେଉଛି ଯେ ଆମେରିକାର ଲୋକମାନେ "ଅରାଜକତା" ନାମରେ ଟ୍ରମ୍ପଙ୍କୁ ଅଧିକ ସର୍ଚ୍ଚ କରି ଖୋଜୁଛନ୍ତି। ରିପୋର୍ଟ ଅନୁଯାୟୀ, ଅରାଜକତା ଏବଂ ଟ୍ରମ୍ପ ଶବ୍ଦର ବ୍ୟବହାରରେ ୩୨୦ ପ୍ରତିଶତ ବୃଦ୍ଧି ଘଟିଛି।
ଟ୍ରମ୍ପ ସବୁ ଜାଣିବା ପରେ ମସ୍କଙ୍କ ଡେଣା କାଟିଲେଣି ଇତିମଧ୍ୟରେ ଟ୍ରମ୍ପ ମଧ୍ୟ ଏ ସବୁର ସଙ୍କେତ ପାଇଛନ୍ତି। ସେ ଏବେ ବରାବର ମସ୍କଙ୍କ ଡେଣା କାଟିବାରେ ଲାଗିଛନ୍ତି। ନିକଟରେ ଟ୍ରମ୍ପ କହିଛନ୍ତି ଯେ ମସ୍କଙ୍କ ନିର୍ଦ୍ଦେଶ ଚୂଡ଼ାନ୍ତ ନିର୍ଦ୍ଦେଶ ନୁହେଁ। ପୂର୍ବରୁ ସେ ମସ୍କଙ୍କୁ ଛୁଟ୍ ଦେଇଥିଲେ। କେବଳ ଏତିକି ନୁହେଁ, ମସ୍କ ପୂର୍ବରୁ ଟି-ସାର୍ଟ ପିନ୍ଧି ହ୍ୱାଇଟ୍ ହାଉସ୍ ଯାଉଥିଲେ, କିନ୍ତୁ ଏବେ ସେ ତାଙ୍କର ଡ୍ରେସ୍ କୋଡ୍ ବଦଳାଇ ଦେଇଛନ୍ତି। ମସ୍କ ଏବେ କୋଟ୍ ପିନ୍ଧି ହ୍ୱାଇଟ୍ ହାଉସ୍ ଯାଉଛନ୍ତି।
ଚାରି ଦିନ ତଳେ ମସ୍କ ଏବଂ ବୈଦେଶିକ ମନ୍ତ୍ରୀ ରୁବିଓଙ୍କ ମଧ୍ୟରେ କର୍ମଚାରୀ ଛଟେଇକୁ ନେଇ ଯୁକ୍ତି ତର୍କ ହୋଇଥିଲା। ଏହି ଯୁକ୍ତି ତର୍କ ଟ୍ରମ୍ପଙ୍କ ସମ୍ମୁଖରେ ହୋଇଥିଲା। ସେହି ଯୁକ୍ତି ତର୍କ ପରେ ଟ୍ରମ୍ପ କହିଥିଲେ ଯେ ଏବେ ଛଟେଇ ବନ୍ଦ କରାଯିବ। ସୂଚନାଯୋଗ୍ୟ ଯେ ଏବେ ଆମେରିକାରେ ଟଙ୍କା ସଞ୍ଚୟ ଏବଂ ପ୍ରଯୁକ୍ତିବିଦ୍ୟାର ବ୍ୟବହାର ପାଇଁ ବିଭାଗଗୁଡ଼ିକରେ କର୍ମଚାରୀମାନଙ୍କୁ ଛଟେଇ ପ୍ରକ୍ରିୟା କରାଯାଉଛି।
ଏବେ ମସ୍କଙ୍କ ପ୍ରବୃଦ୍ଧ ପ୍ରଭାବକୁ ସୀମିତ କରିବା ଲାଗି ଟ୍ରମ୍ପ ରଣନୀତି ପ୍ରସ୍ତୁତ କରୁଛନ୍ତି। ଟ୍ରମ୍ପ ଖୋଲାଖୋଲି ଭାବେ କହିଛନ୍ତି ଯେ ମସ୍କଙ୍କ କୈାଣସି ନିଷ୍ପତ୍ତି ଚୂଡାନ୍ତ ବୋଲି ଧରାଯିବନାହିଁ । ଆଗେ କାମ କରିବା ଲାଗି ମସ୍କଙ୍କୁ ଟ୍ରମ୍ପ ପୁରା ଖୋଲା ଛାଡିଦେଇଥିଲେ। କିନ୍ତୁ ଏବେ ମସ୍କଙ୍କୁ ନିୟନ୍ତ୍ରଣରେ ରଖିବା ଲାଗି କଠୋର ନିୟମ ଲାଗୁ କରିଛନ୍ତି
