ଧର୍ମପତ୍ନୀ ନା ଅଧର୍ମ ପତ୍ନୀ !
ଧର୍ମପତ୍ନୀର ଏ କି ଅଧର୍ମ କାମ
(ତଳେ ପ୍ରଦତ୍ତ ଭୀଷଣ ପିଟଣ, କୁଟଣ, ବର୍ଷଣର ମହାନ୍ କୁକୃତ୍ୟ ଭିଡିଓ ସହର୍ଷେ ଦେଖନ୍ତୁ ଆଉ ହୋଲ୍ ଓ୍ଵାର୍ଲ୍ଡ ସେୟାର କରନ୍ତୁ)
ଭାଗ୍ୟରେ ଥିଲେ ଏପରି ଅଭୂତପୂର୍ବ – ଅଭୂତଶ୍ରୁତ ଅପଦୃଶ୍ୟର ଦୁଃଖାବଲୋକନ କରିବାକୁ ପଡିଥାଏ।
ବୁଦ୍ଧିମାନ ଦମ୍ପତି ବା ସମଝଦାର୍ ସ୍ଵାମୀ ସ୍ତ୍ରୀ ହେଉଛନ୍ତି ସେହିମାନେ , ଯେଉଁମାନେ ନିଜ ଭିତରେ ଥିବା ଝଗଡ଼ାକୁ ଘରର ନିବୁଜ କୋଠରୀ ଭିତରେ ସମାଧାନ କରନ୍ତି ଏବଂ ସେଗୁଡ଼ିକୁ ଦୁନିଆକୁ ଦେଖାନ୍ତିନାହିଁ। ପରିବାରର ସଦସ୍ୟମାନଙ୍କ ମଧ୍ୟରେ ପରସ୍ପର ସହ ଉଚ୍ଚ ସ୍ଵରରେ କଥାବାର୍ତ୍ତା କରିବା ଭୁଲ ବୋଲି ବିବେଚନା କରାଯାଏ, କିନ୍ତୁ ଏବେ ଲୋକମାନେ ସେମାନଙ୍କର ଝଗଡ଼ା ରାସ୍ତାକୁ ନେଇ ଗଲେଣି। ଉତ୍ତର ପ୍ରଦେଶର ରାଜଧାନୀ ଲକ୍ଷ୍ନୌରେ ଏମିତି କିଛି ଘଟିଛି, ଯେଉଁଠାରେ ସ୍ତ୍ରୀ ତାଙ୍କ ସ୍ୱାମୀଙ୍କୁ ବାଇକ୍ ଚଲାଉଥିବା ସମୟରେ ଚପଲରେ ପିଟୁଥିଲା।
ସୋସିଆଲ ମିଡିଆରେ ଭାଇରାଲ ହେଉଥିବା ଏହି ଭିଡିଓ ମନରେ ଅନେକ ପ୍ରଶ୍ନ ଉଠାଇଛି। ସବୁଠାରୁ ବଡ଼ ପ୍ରଶ୍ନ ହେଉଛି ଯେ ଲୋକଙ୍କ ପାଖରେ ଘରେ ନିଜ ଆଭ୍ୟନ୍ତରୀଣ ବିବାଦର ସମାଧାନ କରିବା ପାଇଁ ଧୈର୍ଯ୍ୟ ନାହିଁ। ରାସ୍ତା ମଝିରେ ଏପରି ନାଟକ କରିବା କ’ଣ ଠିକ୍? ଏହି ଭାଇରାଲ ଭିଡିଓରେ, ବାଇକ୍ ପଛରେ ବସିଥିବା ପତ୍ନୀ ତାଙ୍କ ସ୍ୱାମୀଙ୍କୁ ଚପଲରେ ପିଟୁଥିବାର ଆଉ ସ୍ଵାମୀ ଜଣକ ବିନା ପ୍ରତିବାଦରେ ସ୍କୁଟର୍ ଚଲେଇଚାଲିଥିବାର ଦେଖାଯାଉଛି।
ଉଦ୍ଧତ ପତ୍ନୀ ଜଣକ ତାଙ୍କ ସ୍ୱାମୀଙ୍କୁ କେବଳ ଥରେ ନୁହେଁ ବରଂ ଅନେକ ଥର ତାଙ୍କ ଚପଲରେ ପିଟୁଥିବା ଦେଖାଯାଏ। ସେ ତାଙ୍କ ସ୍ୱାମୀଙ୍କୁ ୨୦ ସେକେଣ୍ଡ ମଧ୍ୟରେ ଅତି କମରେ ୧୪ ଥର ଚପଲରେ ଆଘାତ କରିଥିଲେ। ଏହା ସତ୍ତ୍ୱେ, ବ୍ୟକ୍ତି ଜଣକ ଆରାମରେ ଗାଡି ଚଲାଉଛନ୍ତି। ଜଣେ ପଥଚାରୀ ଭିଡିଓଟି ରେକର୍ଡ କରି ସୋସିଆଲ ମିଡିଆରେ ଅପଲୋଡ୍ କରିଥିଲେ, ଯାହା ପରେ ଏହା ଦ୍ରୁତ ଗତିରେ ଭାଇରାଲ ହୋଇଗଲା। ଘଟଣାଟି ଭାଇରାଲ ହେବା ମାତ୍ରେ ପୋଲିସ ଏହାର ତଦନ୍ତ କରିଥିଲା। ପୋଲିସ କହିଛି ଯେ ଏପର୍ଯ୍ୟନ୍ତ ଏ ସମ୍ପର୍କରେ କୌଣସି ଅଭିଯୋଗ ମିଳିନାହିଁ କିମ୍ବା ସ୍କୁଟିର ନମ୍ବର ମଧ୍ୟ ମିଳିନାହିଁ। ଅଭିଯୋଗ ଆସିଲେ, ଉପଯୁକ୍ତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।
