ଆଲେଖ୍ୟ – ଜବାହର ମିଶ୍ର
……………………………………………………………………
ବିରୋଧୀ ଦଳଙ୍କ ଚାଲ୍ ଓଲଟା ପଡ଼ିଯାଉଛି। ବିଶେଷ କରି କଂଗ୍ରେସ ଦ୍ୱାରା ଉଠାଯାଇଉଥିବା ପ୍ରସଙ୍ଗଗୁଡ଼ିକ ସେମାନଙ୍କ ପାଇଁ ‘ମୁଣ୍ଡବିନ୍ଧା’ର କାରଣ ହୋଇଗଲାଣି। ଏବେ ଜାଣିବାର ଅଛି ଯେ ରାହୁଲ ଗାନ୍ଧୀ ଶାସକ ଦଳ ଲାଗି ବିଛେଇଥିବା ଜାଲରେ ବାରମ୍ବାର ନିଜେ କିପରି ପଡ଼ିଯାଉଛନ୍ତି। ଉଲ୍ଲେଖନୀୟ ଯେ ଆଜିକାଲି ବିରୋଧୀ ଦଳ ଯେଉଁ ସବୁ ପ୍ରସଙ୍ଗ ଉଠାଉଛନ୍ତି, ସେଥିରେ ନିଜେ ଫସିଯାଉଛି । ଏହାର କାରଣ କଣ ? ଏଥି ପାଇଁ ଏଠାରେ ୫ ଟି ତଗଡା କାରଣ ଉଦାହରଣ ସହିତ ପ୍ରସ୍ତୁତ କରାଯାଉଅଛି ଯେ ଭୋଟ ଚୋରି ପ୍ରସଙ୍ଗରେ ବିରୋଧୀ ଦଳଙ୍କ ରଣନୀତି କିପରି ଓଲଟା ପଡ଼ିଯାଉଛି ।
ବିରୋଧୀ ଦଳ ଆଜିକାଲି ଯେତେ ସବୁ ପ୍ରସଙ୍ଗ ଉଠାଉଛନ୍ତି, ସେଥିରେ ନିଜେ ଫସି ନିଜକୁ ଦୁର୍ବଳ କରୁଛନ୍ତି। ଏହା କୁହାଯାଇପାରେ ଯେ ଏମାନଙ୍କର ପ୍ରତ୍ୟେକଟି ପଦକ୍ଷେପ ଏମାନଙ୍କୁ ଆହୁରି ଗଭୀର ସମସ୍ୟାର ଖାତରେ ପକାଉଛି। ଏହାକୁ ୫ ଟି ଉଦାହରଣ ଦେଇ ବୁଝିବାର ଅଛି। ବିଶେଷକରି ବିରୋଧୀ ଦଳଙ୍କ ଭୋଟ ଚୋରି ନାରା ପ୍ରସଙ୍ଗକୁ ନିଆଯାଉ, ଯେଉଁଥିରେ ବିରୋଧୀ ଦଳଙ୍କ ପ୍ରତ୍ୟେକ ରଣନୀତି ମୁହଁ ମାଡିପଡ଼ିଛି।
ଦାବି ୧- କଂଗ୍ରେସ ନେତା ରାହୁଲ ଗାନ୍ଧୀ ବାଙ୍ଗାଲୋର କେନ୍ଦ୍ରୀୟ ଲୋକସଭା ଆସନର ମହାଦେବପୁରା ଅଞ୍ଚଳକୁ ଉଲ୍ଲେଖ କରି କହିଲେ ଯେ ଗୋଟିଏ ଭୋଟର ତାଲିକାରେ ଜଣେ ଭୋଟରଙ୍କ ନାମ ଅନେକ ଥର ଅନ୍ତର୍ଭୁକ୍ତ ହୋଇଛି। କର୍ଣ୍ଣାଟକର ମୁଖ୍ୟ ନିର୍ବାଚନ ଅଧିକାରୀ ରାହୁଲ ଗାନ୍ଧୀଙ୍କୁ ତାଙ୍କ ଦ୍ୱାରା ଉଲ୍ଲେଖ କରାଯାଇଥିବା ଭୋଟରଙ୍କ ନାମ ପଚାରିଥିଲେ, କିନ୍ତୁ ରାହୁଲ ଏହାର ଉତ୍ତର ଦେଇପାରିଲେ ନାହିଁ। ଏହା ପରେ, ମାମଲା ଆହୁରି ଖରାପ ହୋଇଗଲା ଯେତେବେଳେ କର୍ଣ୍ଣାଟକ ସରକାରଙ୍କ ମନ୍ତ୍ରୀ ତଥା ରାହୁଲଙ୍କ ଦଳର ନେତା କେ.ଏନ୍. ରାଜନ୍ନା ରାହୁଲଙ୍କୁ ପ୍ରଶ୍ନ କରି କହିଲେ ଯେ ୨୦୨୪ ରେ କର୍ଣ୍ଣାଟକରେ କଂଗ୍ରେସ ସରକାର ଥିଲା। ଏହି ପ୍ରଶ୍ନ ପଚାରିବାର ଦୁଷ୍ପରିଣାମ ସ୍ଵରୂପ ରାଜନ୍ନାଙ୍କୁ ମନ୍ତ୍ରୀ ପଦରୁ ଇସ୍ତଫା ଦେବାକୁ ପଡିଲା। ଏହିପରି ଭାବରେ କଂଗ୍ରେସ ନିଜେ ଉଠାଇଥିବା ପ୍ରସଙ୍ଗରେ ପଡି ଫସିଗଲା।
ଭୋଟର ତାଲିକାରେ ଅନିୟମିତତା ଅଭିଯୋଗ
ଦାବି ୨- ବିହାରରେ ଭୋଟର ତାଲିକାରେ ଅନିୟମିତତା ଅଭିଯୋଗ କରି କଂଗ୍ରେସ କହିଲା ଯେ ଏଥିରେ ମିନ୍ତା ଦେବୀ ନାମକ ଜଣେ ଭୋଟରଙ୍କ ନାମ ଅନ୍ତର୍ଭୁକ୍ତ ହୋଇଛି, ଯାହାଙ୍କ ବୟସ ୧୨୪ ବର୍ଷ ବୋଲି କୁହାଯାଇଛି। ଯେତେବେଳେ ମିନ୍ତା ଦେବୀ ନିଜେ ଆଗକୁ ଆସି କହିଲେ ଯେ ତାଙ୍କର ବୟସ ୧୨୪ ନୁହେଁ, ୩୫ ବର୍ଷ, ସେତେବେଳେ କଂଗ୍ରେସର ଚାଲବାଜି ଓଲଟା ପଡିଗଲା। ମିଣ୍ଟା ଦେବୀ ମିନ୍ତା ଦେବୀଙ୍କ ନାଁରେ ପ୍ରିୟଙ୍କା ଗାନ୍ଧୀ ଫଟୋ ଆଉ ଟି-ସାର୍ଟ ଛାପି ବାଣ୍ଟିବା ଘଟଣାରେ ଅସନ୍ତୋଷ ପ୍ରକାଶ କରି କହିଥିଲେ ଯେ ମୁଁ କେବଳ ଏତିକି କହିବି ଯେ ପ୍ରିୟଙ୍କାଙ୍କୁ ମୋର ଫଟୋ ଥିବା ଟି-ସାର୍ଟ ପିନ୍ଧି ପ୍ରତିବାଦ କରିବାର ଅଧିକାର କିଏ ଦେଲା। ସେ ପ୍ରିୟଙ୍କା ଗାନ୍ଧୀଙ୍କ ଦ୍ଵାରା ତାଙ୍କ ନାମ ଏବଂ ଫଟୋ ଥିବା ଟି-ସାର୍ଟ ପିନ୍ଧି ପ୍ରତିବାଦ କରିବା ଉପରେ ମଧ୍ୟ ଆପତ୍ତି କରିଥିଲେ।
ଏୟାର ଇଣ୍ଡିଆ ବିମାନକୁ ନେଇ ବିରୋଧୀଙ୍କ ପାଲଟା ଆକ୍ରମଣ
ଦାବି ୩- କଂଗ୍ରେସ ସାଂସଦ କେସି ଭେନୁଗୋପାଳ ଅଭିଯୋଗ କଲେ ଯେ ଚେନ୍ନାଇରେ ଏକ ଏୟାର ଇଣ୍ଡିଆ ବିମାନ ଦୁର୍ଘଟଣାରୁ ଅଳ୍ପକେ ରକ୍ଷା ପାଇଛି, କାରଣ ଆଉ ଏକ ବିମାନ ପୂର୍ବରୁ ରନୱେରେ ଥିଲା। ଏହି ଦାବିକୁ ଉଭୟ ଏୟାର ଇଣ୍ଡିଆ ଏବଂ ଚେନ୍ନାଇର ଏୟାର ଟ୍ରାଫିକ୍ କଣ୍ଟ୍ରୋଲ (ATC) ଦ୍ୱାରା ସମ୍ପୂର୍ଣ୍ଣ ପ୍ରତ୍ୟାଖ୍ୟାନ କଲେ। ସେମାନେ ସ୍ପଷ୍ଟ କରିଛନ୍ତି ଯେ ଅବତରଣରେ ବିଳମ୍ବ କୈାଣସି ଦୁର୍ଘଟଣା ବିପଦ କାରଣରୁ ନୁହେଁ, ଏହା ATC ନିର୍ଦ୍ଦେଶ ପାଳନ କରିବା ଯୋଗୁ ହୋଇଥିଲା ।
ଦାବି ୪ – ବିରୋଧୀ ଦଳଗୁଡ଼ିକ ଅଭିଯୋଗ କଲେ ଯେ ରାଜ୍ୟସଭାରେ ବିରୋଧ ପ୍ରଦର୍ଶନକୁ ଦମନ କରିବା ପାଇଁ କେନ୍ଦ୍ରୀୟ ଶିଳ୍ପ ସୁରକ୍ଷା ବଳ (CISF) ଜବାନମାନଙ୍କୁ ନିୟୋଜିତ କରାଯାଇଥିଲା। ରାଜ୍ୟସଭା ଅଧ୍ୟକ୍ଷ ଏହି ଅଭିଯୋଗଗୁଡ଼ିକୁ ମିଥ୍ୟା ବୋଲି ଦର୍ଶାଇ କହିଲେ ଯେ ଏପରି କୌଣସି ପଦକ୍ଷେପ ନିଆଯାଇନଥିଲା।
ଚୀନ୍ ଭାରତୀୟ ଭୂମି ଦଖଲ କରିବାର ଅଭିଯୋଗ
ଦାବି ୫- ବିରୋଧୀ ଦଳ ଏବଂ ରାହୁଲ ଗାନ୍ଧୀ ଅଭିଯୋଗ କଲେ ଯେ ଚୀନ୍ ୨ ହଜାର ବର୍ଗ କିଲୋମିଟର ଭାରତୀୟ ଭୂମି ଦଖଲ କରିଛି। ଏହି ଦାବି ଉପରେ ସୁପ୍ରିମକୋର୍ଟ ରାହୁଲ ଗାନ୍ଧୀଙ୍କୁ ଭର୍ତ୍ସନା କରି ପଚାରିଲେ ଯେ ସେ କିପରି ଜାଣିଲେ ଯେ ଚୀନ୍ ୨ ହଜାର ବର୍ଗ କିଲୋମିଟର ଭୂମି ଦଖଲ କରିଛି ? କୋର୍ଟ ତାଙ୍କୁ ଏହି ଦାବିର ସପକ୍ଷରେ ଦସ୍ତାବିଜ କିମ୍ବା ପ୍ରମାଣ ଉପସ୍ଥାପନ କରିବାକୁ କହିଲେ, କିନ୍ତୁ ରାହୁଲ କୈାଣସି ପ୍ରମାଣ ଉପସ୍ଥାପନ କରିପାରିଲେ ନାହିଁ।
ଏ ସବୁ ହେଉଛି ଦୀର୍ଘ ୧୧ ବର୍ଷ ହେଲା କେନ୍ଦ୍ରରେ କ୍ଷମତା ରସ ଆସ୍ଵାଦନରୁ ବଞ୍ଚିତ ହେବା ନେଇ ହତୋତ୍ସାହର ନମୁନା। ହତୋତ୍ସାହ ଏତେ ପ୍ରବଳ ହେଲାଣି ଯେ ବିରୋଧୀ ଦଳ ବିଶେଷ କରି କଂଗ୍ରେସ ଏବଂ ତାହାର ଯୁବରାଜ ରାହୁଲ ଗାନ୍ଧୀ ଆଉ ଅଧିକ ଦିନ କ୍ଷମତା ଅଳିନ୍ଦର ବାହାରେ ରହିବା ନେଇ ଧୈର୍ଯ୍ୟ ରଖି ପାରୁନାହାନ୍ତି। ଫଳରେ ଆଗ ପଛ କିଛି ନ ଦେଖି ତରବରିଆ ଭାବରେ ଆଖିବୁଜା ପଦକ୍ଷେପ ସବୁ ନେବା ଫଳରେ ତଥା ସରକାରଙ୍କ ବିରୋଧରେ ମିଥ୍ୟା ଅଭିଯୋଗ ଆଣିବା ଫଳରେ ବିରୋଧୀ ଦଳ ଏପରି ନିର୍ଘାତିଆ କଚଡା ଖାଉଛନ୍ତି। ଏହା ହେଉଛି ବିରୋଧୀ ଦଳଙ୍କ ଚାଲିନଜାଣି ବାଟକୁ ଦୋଷ ଦେବା ଭଳି।
