ସମ୍ମାନ ନିଉଜ୍ ର ଦିଲ୍ଲୀ ପ୍ରତିନିଧି ଜୟ ଶର୍ମାଙ୍କ ରିପୋର୍ଟ
……………………………………………………………………..
ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ଶୁଳ୍କ ନିଶା ଏତେ ଧରିଛି ଯେ ଏହାକୁ ନେଇ ଭାରତ ସହିତ ଆମେରିକାର ସମ୍ପର୍କ ବାଲିଘର ପରି ଭୁଷୁଡିବାକୁ ବସିଥିଲେ ବି ସେଥିପ୍ରତି ତାଙ୍କର ନିଘା ନାହିଁ। ଦିନେ ଭାରତକୁ ତାଙ୍କର ସବୁଠାରୁ ଭଲ ବନ୍ଧୁ ବୋଲି କହୁଥିବା ଟ୍ରମ୍ପ ଏବେ ପ୍ରତିଦିନ ଶୁଳ୍କ ଲଗାଣର ଧମକ ଦେଉଛନ୍ତି। ଆମେରିକାର ରାଷ୍ଟ୍ରପତି ଚାହାଁନ୍ତି ଯେ ଭାରତ ତାଙ୍କ ଇଙ୍ଗିତରେ କାମ କରୁ ଏବଂ ପାକିସ୍ତାନ ପରି ତାଙ୍କ କୋଳରେ ବସି ରହୁ। କିନ୍ତୁ କେନ୍ଦ୍ରର ମୋଦି ସରକାର ସ୍ପଷ୍ଟ ଭାବରେ କହିଛନ୍ତି ଯେ ସେ ଯାହା ନିଷ୍ପତ୍ତି ନେବେ, ତାହା ଜାତୀୟ ସ୍ୱାର୍ଥକୁ ଧ୍ୟାନରେ ରଖି ନିଆଯିବ।
ଶୁଳ୍କ ନେଇ ଟ୍ରମ୍ପଙ୍କ ଭାରତ ପ୍ରତି ହତାଶାର କାରଣ ବହୁତ ସ୍ପଷ୍ଟ। ସେ ଭାରତ ଏବଂ ରୁଷ ମଧ୍ୟରେ ଦୃଢ଼ ବନ୍ଧୁତାକୁ ପସନ୍ଦ କରନ୍ତି ନାହିଁ। ସେ ଭାରତକୁ ରୁଷ ବଦଳରେ ଆମେରିକା ସହିତ ବାଣିଜ୍ୟ ବୃଦ୍ଧି କରିବାକୁ ଜୋର୍ ଦେଉଛନ୍ତି। ପ୍ରତିରକ୍ଷା ବାଣିଜ୍ୟ ଆହୁରି ବୃଦ୍ଧି ହେବା ସେ ଚାହୁଁଛନ୍ତି। ଏପରି ପରିସ୍ଥିତିରେ ଏହି ଲଢ଼େଇ କେବଳ ଭାରତ ଏବଂ ଆମେରିକା ମଧ୍ୟରେ ନୁହେଁ, ରୁଷ ମଧ୍ୟ ଏଥିରେ ସାମିଲ ଅଛି ଏବଂ ଋଷ୍ ଆଉ ଆମେରିକା ପରି ଦୁଇ ଷଣ୍ଢଙ୍କ ଲଢ଼େଇ ମଝିରେ ପଡି ଭାରତ ଦଳି ଚକଟି ହେଉଛି।
କିଏ ଆଗ ନଇଁବ
ଭାରତ ଆମେରିକା ଆଗରେ ମୁଣ୍ଡ ନୁଆଁଉନାହିଁ। ଏହାର ବିପରୀତରେ ଭାରତ ଆମେରିକାକୁ ଆଇନା ଦେଖାଉଛି। ଏହା ସତ୍ତ୍ୱେ ଭାରତ ମଝି ନଈରେ ଫସି ରହିଛି, କାରଣ ଏହା ତାହାର ଧୈର୍ଯ୍ୟର ପରୀକ୍ଷା। ଭାରତ ଏପରି ସ୍ଥିତିରେ କେତେ ଦିନ ପାଇଁ ମେରୁ ପର୍ବତ ପରି ଅଟଳ ରହିବ, ତାହା, ଦେଖିବାର ଅଛି। ଅନ୍ୟପକ୍ଷରେ ଯଦି ଭାରତ ଟ୍ରମ୍ପଙ୍କ ଆଗରେ ମୁଣ୍ଡ ନୁଆଁଏ, ତେବେ ବିରୋଧୀ ଦଳଗୁଡ଼ିକୁ କେନ୍ଦ୍ର ସରକାରଙ୍କୁ ଟାର୍ଗେଟ କରିବାର ସୁଯୋଗ ମିଳିବ। କଂଗ୍ରେସ ସମେତ ଅନ୍ୟାନ୍ୟ ବିରୋଧୀ ଦଳ ସରକାରଙ୍କୁ ପ୍ରଶ୍ନ କରିବେ। ଅନ୍ୟପକ୍ଷରେ ଯଦି ଟ୍ରମ୍ପ ଶୁଳ୍କ ଲାଗୁ ନେଇ ପଛଘୁଞ୍ଚା ଦିଅନ୍ତି, ତେବେ ସେ ସମଗ୍ର ବିଶ୍ୱରେ ତାଙ୍କର କିରୀକିରୀ ହେବ ଆଉ ସେ ଲଜ୍ଜିତ ହେବେ।
ଭାରତ ଟ୍ରମ୍ପଙ୍କୁ ଭଲ ଜବାବ ଦେଉଛି
ଭାରତ ବିଶ୍ୱର ସବୁଠାରୁ ବଡ଼ ବଜାର। ଏକ ବିଶାଳ ଜନସଂଖ୍ୟା ତାହାର ପ୍ରମୁଖ ଶକ୍ତି ଅଟେ। ଯଦି କୌଣସି ଦେଶ ତାର ସାମଗ୍ରୀ ବିକ୍ରି କରିବାକୁ ଚାହେଁ, ତେବେ ତାକୁ ଭାରତ ଆଡ଼କୁ ଚାହିଁବାକୁ ପଡିବ। ଏପରି ପରିସ୍ଥିତିରେ ଭାରତ ପାଖରେ ବିକଳ୍ପର ଅଭାବ ନାହିଁ। ଯେତେବେଳେ ଜଣଙ୍କ ପାଖରେ ଅନେକ ବିକଳ୍ପ ଥାଏ, ସେତେବେଳେ ତୁମେ ସେଥିମଧ୍ୟରୁ ଏକ ଭଲ ବିକଳ୍ପକୁ ବ୍ୟବହାର କରିପାରିବ। ଭାରତ ମଧ୍ୟ ସେହିପରି କରୁଛି। ରୁଷ ଆମେରିକା ଅପେକ୍ଷା ଭଲ ବିକଳ୍ପ ମନେହୁଏ। ଟ୍ରମ୍ପଙ୍କୁ ଏହା ପସନ୍ଦ ନୁହେଁ। ଯେତେବେଳେ ସେ ରୁଷକୁ ନେଇ ଭାରତ ସମ୍ମୁଖରେ ସର୍ତ୍ତ ରଖୁଛନ୍ତି, ଭାରତ ମଧ୍ୟ ତାଙ୍କୁ ମାପଚୁପ ଅନ୍ଦାଜରେ ଆଇନା ଦେଖାଉଛି। ଭାରତ ଆମେରିକାକୁ କହୁଛି ଯେ ତୁମେ ମଧ୍ୟ ରୁଷ ସହିତ ବ୍ୟବସାୟ କରୁଛ, ଆଉ ଆମକୁ କଣ କହୁଛ। ସାମ୍ବାଦିକମାନେ ମଧ୍ୟ ଭାରତ ପଚାରିଥିବା ଏହି ପ୍ରଶ୍ନ ଟ୍ରମ୍ପଙ୍କ ଆଗରେ ଉଠେଇ ଥିଲେ। ମଙ୍ଗଳବାର ଦିନ ଏକ ସାମ୍ବାଦିକ ସମ୍ମିଳନୀରେ ଯେତେବେଳେ ଜଣେ ବିଦେଶୀ ସାମ୍ବାଦିକ ଟ୍ରମ୍ପଙ୍କୁ ଏ ବିଷୟରେ ପଚାରିଲେ, ସେ କହିଲେ ଯେ ମୁଁ ଏ କଥା ଜାଣିନାହିଁ, ମୁଁ ବୁଝିକରି କହିବି। ଏହାର ଅର୍ଥ ଯେ, ଆମେରିକା ରୁଷ ସହିତ କ'ଣ ବ୍ୟବସାୟ କରେ, ତାହା ଟ୍ରମ୍ପ ଜାଣନ୍ତିନାହିଁ।
କିଏ ପଛକୁ ହଟିବ ?
ଏବେ ଯକ୍ଷ ପ୍ରଶ୍ନ ଉଠୁଛି ଯେ ଶୁଳ୍କକୁ ନେଇ କିଏ ପଛକୁ ହଟିବ। ଏପର୍ଯ୍ୟନ୍ତ ଭାରତର ଆଭିମୁଖ୍ୟକୁ ଦେଖିଲେ ଲାଗୁଛି ଯେ ଏହା ପଛକୁ ହଟିବ ନାହିଁ। ଏହା ଟ୍ରମ୍ପଙ୍କ ଧମକର ଜବାବ ଦେଉଛି। ଏହା ଏକ କଠୋର ଆଭିମୁଖ୍ୟ ଗ୍ରହଣ କରିଛି। ଚୀନ ଶୁଳ୍କକୁ ନେଇ ଆମେରିକାର କଥା ମାନିନେଲା ପରି ଭାରତ ମାନୁନାହିଁ । ଯଦି ମୋଦି ସରକାର ଟ୍ରମ୍ପଙ୍କ ନିକଟରେ ମୁଣ୍ଡ ନୁଆଁଏ, ତେବେ ଟ୍ରମ୍ପ ଆପଣା ଛାଏଁ ଶୁଳ୍କ ହ୍ରାସ କରିବେ। ଟ୍ରମ୍ପ ଜଣେ 'ବ୍ୟବସାୟୀ ରାଷ୍ଟ୍ରପତି'। ସେ ଜାଣନ୍ତି ଯେ ସୌଦା କିପରି କରାଯାଏ। ସେ ଭାବୁଛନ୍ତି ଯେ ଚୀନ-ପାକିସ୍ତାନ ଏବଂ ଅନ୍ୟ ଦେଶମାନଙ୍କ ସହିତ ସେ ଯେଉଁ ଫର୍ମୁଲା ଗ୍ରହଣ କରିଛନ୍ତି ,ତାହା ଭାରତ ସହିତ ମଧ୍ୟ ଗ୍ରହଣ କରାଯିବା ଉଚିତ। ଟ୍ରମ୍ପଙ୍କ ଧମକ ଏବଂ ଭାରତର ଆଭିମୁଖ୍ୟକୁ ଦେଖିଲେ ମନେହୁଏ ଯେ ଏହି ଲଢ଼େଇ ଦୀର୍ଘ ସମୟ ପର୍ଯ୍ୟନ୍ତ ଜାରି ରହିବ।
ଭାରତ ମୁଣ୍ଡ ନୁଆଁଇଲେ ବିରୋଧୀ ଦଳ ଘେରିଯିବେ
ଅନ୍ୟପକ୍ଷରେ ଯଦି ଭାରତ ଆମେରିକା ଆଗରେ ମୁଣ୍ଡ ନୁଆଁଏ, ତେବେ ମୋଦି ସରକାରଙ୍କୁ ଘେରିବା ପାଇଁ ବିରୋଧୀ ଦଳଙ୍କୁ ଏକ ବଡ଼ ସୁଯୋଗ ମିଳିଯିବ। ପାକିସ୍ତାନ ସହିତ ଯୁଦ୍ଧବିରତି ଉପରେ ସରକାର ପୂର୍ବରୁ ଆକ୍ରମଣର ଶିକାର ହୋଇଛନ୍ତି। କଂଗ୍ରେସ ସମେତ ଅନ୍ୟାନ୍ୟ ବିରୋଧୀ ଦଳ କହନ୍ତି ଯେ ପ୍ରଧାନମନ୍ତ୍ରୀ ମୋଦି ଟ୍ରମ୍ପଙ୍କ ନିକଟରେ ମୁଣ୍ଡ ନୁଆଁଇଛନ୍ତି। ଏହି ପ୍ରସଙ୍ଗରେ ସଂସଦରେ ପ୍ରବଳ ହଙ୍ଗାମା ହୋଇଛି। ଯଦି ସରକାର ଶୁଳ୍କକୁ ନେଇ ସରକାର ମୁଣ୍ଡ ନୁଆଁଇଦିଏ, ତେବେ ବିରୋଧୀ ଦଳକୁ ଆକ୍ରମଣ କରିବାର ଆଉ ଏକ ସୁଯୋଗ ମିଳିବ।
ଭାରତ କାହିଁକି ନଇଁବା ଉଚିତ୍ ନୁହେଁ ?
ଟ୍ରମ୍ପ ଭାରତକୁ ଏକ ମୃତ ଅର୍ଥନୀତି ବୋଲି କହିଛନ୍ତି, କିନ୍ତୁ ଏବେ ବି ଭାରତ ସହିତ ବାଣିଜ୍ୟ ବୃଦ୍ଧି କରିବାକୁ ଚାହୁଁଛନ୍ତି। ଟ୍ରମ୍ପ ଭାରତକୁ ଆମେରିକା ପାଇଁ ଦୁଗ୍ଧ ଏବଂ କୃଷି କ୍ଷେତ୍ର ଖୋଲିବାକୁ ଅନୁରୋଧ କରୁଛନ୍ତି। କିନ୍ତୁ ଭାରତ ଏଥିନେଇ ପୂର୍ବରୁ ତାହାର ନିଷ୍ପତ୍ତି ଜଣାଇସାରିଛି। ଭାରତ ଦୁଗ୍ଧ ପାଇଁ ସବୁଠାରୁ ବଡ ବଜାର। ଏଠାରେ କ୍ଷୀର ସବୁଠାରୁ ବେଶୀ ବ୍ୟବହୃତ ହୁଏ। ଆମେରିକା ଏହା ମଧ୍ୟ ଆଶା କରୁଛି ଯେ ଭାରତ ବାର୍ଷିକ କୋଟି କୋଟି ଡଲାରର ଆମେରିକୀୟ ଶକ୍ତି ଉତ୍ପାଦ କ୍ରୟ ବୃଦ୍ଧି କରୁ ଏବଂ ଭାରତ ଆମେରିକା ଠାରୁ ପ୍ରତିରକ୍ଷା ଆମଦାନୀକୁ ଆହୁରି ବୃଦ୍ଧି କରୁ ।
ଭାରତ ଏହି ଆମେରିକାର ଏହି ସବୁ ଦାବିକୁ ଭାଉ ଦେଉନାହିଁ
ଏହା ଉଲ୍ଲେଖନୀୟ ଯେ ୨୫ % ଶୁଳ୍କ ଅର୍ଥନୀତି ସହିତ ଜଡିତ ନୁହେଁ। ଏହା ଟ୍ରମ୍ପଙ୍କ ସେହି ପୁରୁଣା ଖେଳ। ତାଙ୍କର ଏହି ନୀତି ଭାବି ଚିନ୍ତି ନିଆଯାଇଛି । ପ୍ରଥମେ ଧମକ ଦେବା, ଏହାପରେ ହଠାତ୍ ପଲଟିଯିବା ଏବଂ ସମାଧାନ ଖୋଜିବା ପରିବର୍ତ୍ତେ ଅସ୍ଥିର କରିବା ପାଇଁ ଚାପ ସୃଷ୍ଟି କରାଯିବ। କେତେବେଳେ ସେ ଭାରତକୁ ତାଙ୍କର ନିକଟତମ ସହଯୋଗୀ ବୋଲି କୁହନ୍ତି। ଏହା ପରଦିନ ଏହା ଏକ ମୃତ ଅର୍ଥନୀତିରେ ପରିଣତ ହୁଏ। ଅସଙ୍ଗତି ହେଉଛି ଦେଶ। ବର୍ତ୍ତମାନ ଭାରତ ଜବାବୀ କାର୍ଯ୍ୟାନୁଷ୍ଠାନ ନେଉନାହିଁ ଏବଂ ଟ୍ରମ୍ପଙ୍କ ବିଷୟରେ ଚିନ୍ତା କରିବାକୁ ଭାରତର କିଛି ଆବଶ୍ୟକତା ନାହିଁ।
