ସମ୍ପ୍ରତି ଭାରତୀୟ ଷ୍ଟକ୍ ବଜାରରେ ଏକ ବଡ଼ ହ୍ରାସ ଆସିଥିବା ଦେଖାଯାଉଛି। ଜାନୁଆରୀ ମାସଠାରୁ, ଘରୋଇ ଷ୍ଟକ୍ ମୋଟ ୨୬ ଲକ୍ଷ କୋଟି ଟଙ୍କା (୩୦୬ ବିଲିୟନ ଡଲାର) ହରାଇଛି। ଜାନୁଆରୀ ମାସର କ୍ଷତିକୁ ମିଶାଇଲେ, ଭାରତୀୟ ବଜାରର ମୋଟ କ୍ଷତି ୪୫ ଲକ୍ଷ କୋଟି ଟଙ୍କା (୫୨୦ ବିଲିୟନ ଡଲାର) ହୋଇଛି। ଏହି କ୍ଷତି ପରିମାଣ କେବଳ ଭାରତର ମୋଟ ଘରୋଇ ଉତ୍ପାଦ (ଜିଡିପି) ଠାରୁ ଅଧିକ ନୁହେଁ , ବରଂ ଏହା ପାକିସ୍ତାନ ଏବଂ ବାଂଲାଦେଶ ଭଳି ଦେଶଗୁଡ଼ିକର ସମ୍ମିଳିତ ଜିଡିପି ଠାରୁ ମଧ୍ୟ ଅଧିକ। ଏହି ଲେଖାରେ ଉକ୍ତ ହ୍ରାସ ପଛରେ ଥିବା କାରଣ, ବିଶ୍ୱ ଅର୍ଥନୈତିକ ପରିବର୍ତ୍ତନର ପ୍ରଭାବ ଏବଂ ଭବିଷ୍ୟତର ସମ୍ଭାବନା ବିଷୟରେ ଆଲୋଚନା କରାଯିବା ସମୀଚୀନ ମନେହୁଏ ।
୨୦୨୫ ସୁଦ୍ଧା ଭାରତ ୫୨୦ ବିଲିୟନ ଡଲାର ହରାଇବ !
ସଦ୍ୟତମ ତଥ୍ୟ ଅନୁଯାୟୀ, ଜାନୁଆରୀ ୩୧ ପରଠାରୁ ଭାରତୀୟ ଷ୍ଟକ୍ ବଜାରର ମୋଟ ବଜାର ପୁଞ୍ଜି ୨୬ ଲକ୍ଷ କୋଟି ଟଙ୍କା (ବିଲିୟନ ଡଲାର) ହ୍ରାସ ପାଇଛି। ଜାନୁଆରୀ ମାସର କ୍ଷତିକୁ ମିଶାଇଲେ, ଏହି ସଂଖ୍ୟା ୪୫ ଲକ୍ଷ କୋଟି ଟଙ୍କା (୫୨୦ ବିଲିୟନ ଡଲାର) ରେ ପହଞ୍ଚିଛି, ଯାହା ପାକିସ୍ତାନ ଏବଂ ବାଂଲାଦେଶର ଆନୁମାନିକ ସମ୍ମିଳିତ ଜିଡିପି ଠାରୁ ଅଧିକ। ଆଇ, ଏମ୍ ,ଏଫ୍, (ଆନ୍ତର୍ଜାତୀୟ ମୁଦ୍ରା ପାଣ୍ଠି) ର ତଥ୍ୟ ଅନୁଯାୟୀ, ୨୦୨୫ ମସିହାରେ ପାକିସ୍ତାନର ଜିଡିପି ୩୯୩ ବିଲିୟନ ଡଲାର ହେବ ବୋଲି ଆକଳନ କରାଯାଇଥିବା ବେଳେ ବାଂଲାଦେଶର ୪୮୧ ବିଲିୟନ ଡଲାର ହେବ ବୋଲି ଆକଳନ କରାଯାଇଛି। ଏପରି ପରିସ୍ଥିତିରେ, ଭାରତର ବଜାରରେ ହ୍ରାସ ଏହି ଦେଶଗୁଡ଼ିକର ସମଗ୍ର ବାର୍ଷିକ ଜିଡିପି ପରିମାଣ ଠାରୁ ଅଧିକ, ଯାହା କି ଏକ ବଡ଼ କ୍ଷତି ବୋଲି ବିବେଚନା କରାଯାଇପାରେ।
ନିବେଶକମାନଙ୍କ ଅନ୍ୟତ୍ର ପଳାୟନ ହ୍ରାସର କାରଣ
ଏହି ହ୍ରାସ ପଛରେ ଅନେକ କାରଣ ଅଛି। ମୁଖ୍ୟ କାରଣ ହେଉଛି ବୈଶ୍ଵିକ ପାଣ୍ଠିଗୁଡିକ ଭାରତକୁ ଛାଡି ଚୀନ୍ ଏବଂ ଜାପାନ ଭଳି ଅନ୍ୟାନ୍ୟ ଆକର୍ଷଣୀୟ ବଜାର ଆଡକୁ ମୁହାଁଇବା। ଭାରତ ପ୍ରତି ବିଶ୍ୱର ନିବେଶକମାନଙ୍କ ମନୋଭାବ ହ୍ରାସ ପାଉଛି ଏବଂ ଫେବୃଆରୀରେ ଭାରତକୁ ବୈଶ୍ଵିକ ପାଣ୍ଠି ଦ୍ୱାରା ଦ୍ୱିତୀୟ ସର୍ବନିମ୍ନ ପସନ୍ଦିତ ବଜାର ଭାବରେ ସ୍ଥାନିତ କରାଯାଇଥିଲା। ବି,ଓ,ଏଫ୍,ଏ,ସିକ୍ୟୁରିଟିଜ୍ ତଥା ବୋଫା ସିକ୍ୟୁରିଟୀଜ୍ ର ସର୍ଭେ ଅନୁଯାୟୀ, ଭାରତରେ ନିବେଶ ହ୍ରାସ ପାଇଥିବା ବେଳେ ସତର୍କ ଆଶାବାଦ ଚୀନ୍ ଏବଂ ଜାପାନ ଭଳି ବଜାରରେ ନିବେଶ ବୃଦ୍ଧିର କାରଣ। ପୂର୍ବରୁ ଭାରତରେ ନିବେଶ ସମ୍ପର୍କରେ ଆଶା ଅଧିକ ଥିଲା, କିନ୍ତୁ ବର୍ତ୍ତମାନ ଅର୍ଥନୈତିକ ଏବଂ ଆୟ ଅଭିବୃଦ୍ଧିର ଆଶା ଦୁର୍ବଳ ହେଉଛି, ଯାହା ଫଳରେ ବଜାରରେ ହ୍ରାସ ଦେଖାଯାଉଛି।
ନିଫ୍ଟି ଏବଂ ମିଡକ୍ୟାପରେ କ୍ଷତି
ଭାରତର ପ୍ରମୁଖ ଷ୍ଟକ୍ ସୂଚକାଙ୍କ ନିଫ୍ଟିର ବଜାର ପୁଞ୍ଜିକରଣ ୪୪୩.୪୭ ଲକ୍ଷ କୋଟି ଟଙ୍କାରୁ ହ୍ରାସ ପାଇ ୩୯୮.୪୬ ଲକ୍ଷ କୋଟି ଟଙ୍କାକୁ ହ୍ରାସ ପାଇଛି, ଯାହା ୪୫ ଲକ୍ଷ କୋଟି ଟଙ୍କା କିମ୍ବା ୧୦ ପ୍ରତିଶତରୁ ଅଧିକ ହ୍ରାସ ପାଇଛି। ଏହା ବ୍ୟତୀତ, ଭାରତର ୧୦ଟି ବୃହତ୍ କମ୍ପାନୀର ବଜାର ପୁଞ୍ଜି ୪.୪୧ ପ୍ରତିଶତ ହ୍ରାସ ପାଇଛି। ମିଡକ୍ୟାପ୍ ଏବଂ ସ୍ମଲକ୍ୟାପ୍ ଷ୍ଟକରେ ଅଧିକ ବିକ୍ରୟ ଚାପ ରହିଛି। ୨୦୨୪ ଶେଷରେ ନିଫ୍ଟି କମ୍ପାନୀଗୁଡ଼ିକର ରୋଜଗାର ଆଶାଠାରୁ କମ୍ ଥିଲା, ଯାହା ଫଳରେ ସେମାନଙ୍କର ଆୟରେ ମଧ୍ୟ ହ୍ରାସ ଘଟିଛି।
ଦୁର୍ବଳ ଅର୍ଥନୀତି – ଡଲାରର ପ୍ରଭାବ
ଅର୍ଥନୀତିରେ ଦୁର୍ବଳତା ଏବଂ ଡଲାରର ପ୍ରଭାବ କାରଣରୁ
ଭାରତୀୟ ଟଙ୍କାର ଦୁର୍ବଳତା ମଧ୍ୟ ଏହି ହ୍ରାସର ଅନ୍ୟ ଏକ କାରଣ। ଡଲାର ତୁଳନାରେ ଟଙ୍କାର ମୂଲ୍ୟ ହ୍ରାସ ପାଇଛି, ଯାହା ଫଳରେ ବିଦେଶୀ ନିବେଶକଙ୍କ ଟଙ୍କା ଭାରତରୁ ବାହାରକୁ ଚାଲିଯାଇଛି। ଫଳସ୍ୱରୂପ, ବଜାରରୁ ବିଦେଶୀ ପୁଞ୍ଜି ପ୍ରତ୍ୟାହାର ବୃଦ୍ଧି ପାଇଛି ଏବଂ ଭାରତୀୟ ସେୟାର ବଜାର ଚାପର ସମ୍ମୁଖୀନ ହେଉଛି।
ସୁଧାରର ସକାରାତ୍ମକ ସଙ୍କେତ
ତଥାପି ଏହି ହ୍ରାସ ମଧ୍ୟରେ କିଛି ଆଶାର କିରଣ ମଧ୍ୟ ଦୃଶ୍ୟମାନ ହେଉଛି। ଆଇ,ସି,ଆଇ,ସି,ଆଇ, ସିକ୍ୟୁରିଟିଜ୍ ଦର୍ଶାଇଛି ଯେ ଗତ ଦୁଇ ଦଶନ୍ଧି ମଧ୍ୟରେ ନିଫ୍ଟି ମିଡକ୍ୟାପ୍ ଏବଂ ସ୍ମଲ୍ କ୍ୟାପ୍ ଯଥାକ୍ରମେ ହାରାହାରି ୨୭ ପ୍ରତିଶତ ଏବଂ ୨୯ ପ୍ରତିଶତ ଅଭିବୃଦ୍ଧି ପାଇଛି। ବର୍ତ୍ତମାନର ସଂଶୋଧନ ପର୍ଯ୍ୟାୟରେ, ଯେଉଁଠାରେ ବଜାରରେ ନିରାଶାବାଦ ରହିଛି, କିଛି ବ୍ରୋକରେଜ୍ ହାଉସ୍ ଆଶା ପ୍ରକାଶ କରିଛନ୍ତି ଯେ ବଜାର ଶୀଘ୍ର ସୁଧାର ଆସିପାରେ।
ପ୍ରସ୍ଥ ସୂଚକ – ବଜାରରେ ପ୍ରସ୍ଥ ସୂଚକ ତଥା Width |ndicater ଏକ ମାନ୍ଦାବସ୍ଥାର ଶୀର୍ଷରେ ପହଞ୍ଚିଛି, ଯାହା ସୂଚାଇ ଦିଏ ଯେ ନିକଟ ଭବିଷ୍ୟତରେ ବଜାର ସ୍ଥିର ହୋଇପାରେ। ଚାହିଦା ବୃଦ୍ଧି: ଗତ ଦୁଇ ଦଶନ୍ଧିର ତଥ୍ୟ ସୂଚାଇ ଦେଉଛି ଯେ ନିଫ୍ଟି ମିଡକ୍ୟାପ୍ ଏବଂ ସ୍ମଲକ୍ୟାପ୍ ସୂଚକାଙ୍କଗୁଡ଼ିକ ଅଧିକ ବିକ୍ରୟ ଅବସ୍ଥାରେ ଅଛି ଏବଂ ଏହା ଆଗାମୀ ତିନି ମାସରେ ୨୦ ପ୍ରତିଶତ ବୃଦ୍ଧି ପାଇପାରେ।
ଡଲାରର ଦୁର୍ବଳତା — ଆମେରିକୀୟ ଡଲାରର ସୂଚକାଙ୍କ ହ୍ରାସ ପାଇଛି, ଯାହା ଉଦୀୟମାନ ବଜାର ପାଇଁ ଲାଭଦାୟକ ହୋଇପାରେ। ଭୂରାଜନୈତିକ ସ୍ଥିରତା: ଯଦି ଯୁଦ୍ଧ ଇତ୍ୟାଦି ପରି ଭୂରାଜନୈତିକ ସଙ୍କଟ କମିଯାଏ, ତେବେ ଏହା ଭାରତୀୟ ସେୟାର ବଜାରରେ କିଛି ସ୍ଥିରତା ଆଣିପାରିବ।
