………………………………………………………………
ବୁଧବାର ସରକାର ସଂସଦରେ ତିନୋଟି ବିଲ୍ ଆଗତ କରିଛନ୍ତି, ଯାହା ଦ୍ୱାରା ଗୁରୁତର ଅପରାଧିକ ଅଭିଯୋଗରେ ଗିରଫ କିମ୍ବା ଅଟକ ଥିବା ପ୍ରଧାନମନ୍ତ୍ରୀ, କେନ୍ଦ୍ରମନ୍ତ୍ରୀ ଏବଂ ମୁଖ୍ୟମନ୍ତ୍ରୀ କିମ୍ବା ମନ୍ତ୍ରୀଙ୍କୁ ପଦରୁ ବହିଷ୍କାର କରିବାର ବ୍ୟବସ୍ଥା କରାଯାଇଛି। ଗୃହମନ୍ତ୍ରୀ ଅମିତ ଶାହ ଲୋକସଭାରେ ଏହି ବିଲ୍ ଆଗତ କରିଥିଲେ। ଏହି ସମୟରେ ବହୁତ ହଟ୍ଟଗୋଳ ହୋଇଥିଲା। ବିରୋଧୀ ଦଳ ଏହି ବିଲ୍କୁ ବିରୋଧ କରି ଏହାକୁ ଚିରି ଗୃହରେ ଫିଙ୍ଗି ଦେଇଥିଲେ।
ଅମିତ ଶାହ ଲୋକସଭାରେ କେନ୍ଦ୍ର ଶାସିତ ଅଞ୍ଚଳ ସରକାର (ସଂଶୋଧନ) ବିଲ୍ 2025, ସମ୍ବିଧାନ (130ତମ ସଂଶୋଧନ) ବିଲ୍ 2025 ଏବଂ ଜମ୍ମୁ ଏବଂ କାଶ୍ମୀର ପୁନର୍ଗଠନ (ସଂଶୋଧନ) ବିଲ୍ 2025 ଉପସ୍ଥାପନ କରିଥିଲେ। ବିରୋଧୀ ସାଂସଦମାନେ ଏହାର ପ୍ରତିବାଦ କରିଥିଲେ। କଂଗ୍ରେସ ସାଂସଦ ମନୀଷ ତିୱାରୀ ଏବଂ ଅସଦୁଦ୍ଦିନ ଓୱେସି ଏହାକୁ ସମ୍ବିଧାନ ବିରୋଧୀ ବୋଲି କହିଛନ୍ତି। ଗୃହମନ୍ତ୍ରୀ କହିଛନ୍ତି ଯେ ଏହି ବିଲ୍ ଶୀଘ୍ର ଆଣିବାର ଅଭିଯୋଗ ଠିକ୍ ନୁହେଁ। ସେ କହିଛନ୍ତି ଯେ ବିଲ୍କୁ ମିଳିତ କମିଟିକୁ ହସ୍ତାନ୍ତର କରାଯିବ। ସମସ୍ତ ଶାସକ ଏବଂ ବିରୋଧୀ ଦଳର ସାଂସଦଙ୍କ କମିଟି ଏହାକୁ ବିଚାର କରି ଆପଣଙ୍କ ସମ୍ମୁଖରେ ଆଣିବ।
ବିଲ୍ ରେ କୁହାଯାଇଛି ଯେ, ଯଦି କୈାଣସି ପ୍ରଧାନମନ୍ତ୍ରୀ, କେନ୍ଦ୍ରମନ୍ତ୍ରୀ, ମୁଖ୍ୟମନ୍ତ୍ରୀ ଏବଂ ମନ୍ତ୍ରୀ ୩୦ ଦିନରୁ ଅଧିକ ସମୟ ପାଇଁ ହାଜତରେ ରହନ୍ତି, ତେବେ ୩୧ ତମ ଦିନ ସେମାନଙ୍କୁ ସେମାନଙ୍କ ପଦବୀରୁ ହଟାଇ ଦିଆଯିବ। ଏହି ବିଲ୍ ସେହି ସାଂସଦମାନଙ୍କ ପାଇଁ ବିପଦକୁ ବଢ଼ାଇବ, ଯେଉଁମାନଙ୍କ ବିରୁଦ୍ଧରେ ପୂର୍ବରୁ ଅପରାଧିକ ମାମଲା ପଞ୍ଜିକୃତ ହୋଇଛି କିମ୍ବା ଦୋଷୀ ସାବ୍ୟସ୍ତ ହୋଇଛନ୍ତି। ନିମ୍ନ ପ୍ରଦତ୍ତ ପରିସଂଖ୍ୟାନ ସାଂସଦମାନଙ୍କ ଅପରାଧିକ ରେକର୍ଡ କଣ , ଉପସ୍ଥାପନ କରୁଛି। ବର୍ତ୍ତମାନର ଲୋକସଭାର ୫୪୩ ସଦସ୍ୟଙ୍କ ମଧ୍ୟରୁ ୨୫୧ ଅର୍ଥାତ୍ ୪୬ ପ୍ରତିଶତ ସାଂସଦଙ୍କ ବିରୁଦ୍ଧରେ ଫୌଜଦାରୀ ମାମଲା ପଞ୍ଜିକୃତ ହୋଇଛି।
କେନ୍ଦ୍ର ସରକାର ବୁଧବାର ଦିନ ଗମ୍ଭୀର ଅପରାଧିକ ମାମଲାରେ ଗିରଫ ହୋଇଥିବା କିମ୍ୱା ଭବିଷ୍ୟତରେ ଗିରଫ ହେବାକୁଥିବା ପ୍ରଧାନମନ୍ତ୍ରୀ, କେନ୍ଦ୍ରମନ୍ତ୍ରୀ, ମୁଖ୍ୟମନ୍ତ୍ରୀ ଏବଂ ମନ୍ତ୍ରୀମାନଙ୍କ ପାଇଁ ଏକ ବିଲ୍ ଆଗତ କରିଛନ୍ତି। ବିଲ୍ ଅନୁସାରେ ଯଦି ସେମାନେ ୩୦ ଦିନରୁ ଅଧିକ ସମୟ ପାଇଁ ହାଜତରେ ରହନ୍ତି, ତେବେ ୩୧ ତମ ଦିନରୁ ସେମାନଙ୍କୁ ସେମାନଙ୍କ ପଦବୀରୁ ହଟାଇ ଦିଆଯିବ। ତଥାପି ଗୃହରେ ହଙ୍ଗାମା ମଧ୍ୟରେ ବିଲ୍ କୁ ଜେ,ପି,ସି, କୁ ପଠାଯାଇଛି। ଯଦି ବିଲ୍ ପାସ୍ ହୁଏ, ତେବେ ସେହି ସାଂସଦମାନଙ୍କ ସଦସ୍ୟତା ପ୍ରତି ବିପଦ ବଢ଼ିଯିବ ଯେଉଁମାନଙ୍କ ବିରୁଦ୍ଧରେ ପୂର୍ବରୁ ଅପରାଧିକ ମାମଲା ପଞ୍ଜିକୃତ ହୋଇଛି କିମ୍ବା ଯେଉଁମାନେ ଦୋଷୀ ସାବ୍ୟସ୍ତ ହୋଇଛନ୍ତି।
ଯଦି ଆମେ ଚର୍ଚ୍ଚିତ ମାମଲାଗୁଡ଼ିକ ଉପରେ ନଜର ପକାଇବା, ତେବେ ଦିଲ୍ଲୀର ପୂର୍ବତନ ମୁଖ୍ୟମନ୍ତ୍ରୀ କେଜରିୱାଲ ୬ ମାସ ପାଇଁ ଏବଂ ତାମିଲନାଡୁର ମନ୍ତ୍ରୀ ଭି ସେନ୍ଥିଲ ବାଲାଜୀ ୨୪୧ ଦିନ ପାଇଁ ହେପାଜତ ଏବଂ ଜେଲରେ ଥିଲେ। କେଜରିୱାଲ ପ୍ରଥମ ମୁଖ୍ୟମନ୍ତ୍ରୀ ଥିଲେ ଯିଏ କାର୍ଯ୍ୟାଳୟରେ ଥିବା ସମୟରେ ଗିରଫ ହୋଇଥିଲେ। ଆସନ୍ତୁ ଜାଣିବା, ଚଳିତ ୧୮ ତମ ଲୋକସଭାରେ କେତେ ସାଂସଦଙ୍କ ବିରୁଦ୍ଧରେ ଫୌଜଦାରୀ ମାମଲା ରୁଜୁ ହୋଇଛି,ପ୍ରତିଟି ନିର୍ବାଚନ ପରେ କେତେ କେତେ ମାମଲା ବୃଦ୍ଧି ପାଇଛି ଏବଂ କେଉଁ ଦଳର ଏପରି ଅପରାଧିକ ସାଂସଦଙ୍କ ସଂଖ୍ୟା ସର୍ବାଧିକ ? ୨୫୧ ଜଣଙ୍କ ବିରୁଦ୍ଧରେ ବିରୁଦ୍ଧରେ ଫୌଜଦାରୀ ମାମଲା ADR ରିପୋର୍ଟରେ କୁହାଯାଇଛି, ଚଳିତ ଲୋକସଭାର ୫୪୩ ଜଣ ସଦସ୍ୟଙ୍କ ମଧ୍ୟରୁ ୨୫୧ ଅର୍ଥାତ୍ ୪୬ ପ୍ରତିଶତ ସାଂସଦଙ୍କ ବିରୁଦ୍ଧରେ ଫୌଜଦାରୀ ମାମଲା ରୁଜୁ ହୋଇଛି। ସେମାନଙ୍କ ମଧ୍ୟରୁ ୨୫ ରୁ ଅଧିକ ଦୋଷୀ ସାବ୍ୟସ୍ତ ହୋଇଛନ୍ତି। ମୋଟ ୨୩୩ ଜଣ ସାଂସଦ (୪୩ ପ୍ରତିଶତ) ନିଜ ବିରୁଦ୍ଧରେ ଫୌଜଦାରୀ ମାମଲା ଘୋଷଣା କରିଥିଲେ। ଯେତେବେଳେ କି ୨୦୧୯ରେ ଏହି ସଂଖ୍ୟା ୨୩୩ (୪୩%), ୨୦୧୪ରେ ୧୮୫ (୩୪%), ୨୦୦୯ରେ ୧୬୨ (୩୦%) ଏବଂ ୨୦୦୪ରେ ୧୨୫ (୨୩%) ଥିଲା।
କେଉଁ ଦଳର କେତେ ସାଂସଦଙ୍କ ବିରୋଧରେ ମାମଲା ଅଛି? ADR ଅନୁଯାୟୀ ଚଳିତ ୧୮ତମ ଲୋକସଭାରେ ସବୁଠାରୁ ବଡ଼ ଦଳ ଭାବରେ ଉଭା ହୋଇଥିବା ବିଜେପିର ୨୪୦ ଜଣ ବିଜୟୀ ପ୍ରାର୍ଥୀଙ୍କ ମଧ୍ୟରୁ ୯୪ ଜଣ (୩୯ ପ୍ରତିଶତ)ଙ୍କ ବିରୁଦ୍ଧରେ ଅପରାଧିକ ମାମଲା ରହିଛି। ୯୯ ଜଣ କଂଗ୍ରେସ ସାଂସଦଙ୍କ ମଧ୍ୟରୁ ୪୯ ଜଣ (୪୯ ପ୍ରତିଶତ) ଫୌଜଦାରୀ ମାମଲା ଘୋଷଣା କରିଛନ୍ତି ଏବଂ ୩୭ ଜଣ ସମାଜବାଦୀ ପାର୍ଟି ସାଂସଦଙ୍କ ମଧ୍ୟରୁ ୨୧ ଜଣ (୫୬ ପ୍ରତିଶତ)ଙ୍କ ବିରୁଦ୍ଧରେ ଫୌଜଦାରୀ ମାମଲା ରହିଛି। ୨୯ ଜଣ ଟିଏମସି ସାଂସଦଙ୍କ ମଧ୍ୟରୁ ୧୩ (୪୪ ପ୍ରତିଶତ), ୨୨ ଟିଏମକେ ସାଂସଦଙ୍କ ମଧ୍ୟରୁ ୧୩ (୫୯ ପ୍ରତିଶତ), ୧୬ ଟିଡିପି ସାଂସଦଙ୍କ ମଧ୍ୟରୁ ୮ (୫୦ ପ୍ରତିଶତ) ଏବଂ ଶିବସେନାର ୭ ବିଜୟୀ ପ୍ରାର୍ଥୀଙ୍କ ମଧ୍ୟରୁ ୫ (୭୧ ପ୍ରତିଶତ) ଅପରାଧିକ ମାମଲା ଘୋଷଣା କରିଛନ୍ତି। ବିଶ୍ଳେଷଣରୁ ଜଣାପଡିଛି ଯେ ୬୩ (୨୬ ପ୍ରତିଶତ) ବିଜେପି ପ୍ରାର୍ଥୀ, ୩୨ (୩୨ ପ୍ରତିଶତ) କଂଗ୍ରେସ ପ୍ରାର୍ଥୀ ଏବଂ ୧୭ (୪୬ ପ୍ରତିଶତ) ଏସପି ପ୍ରାର୍ଥୀ ଗମ୍ଭୀର ଅପରାଧିକ ମାମଲା ଘୋଷଣା କରିଛନ୍ତି।
ରିପୋର୍ଟରେ କୁହାଯାଇଛି ଯେ ୭ (୨୪ ପ୍ରତିଶତ) ଟିଏମସି ପ୍ରାର୍ଥୀ, ୬ (୨୭ ପ୍ରତିଶତ) ଡିଏମକେ ପ୍ରାର୍ଥୀ, ୫ (୩୧ ପ୍ରତିଶତ) ଟିଡିପି ପ୍ରାର୍ଥୀ ଏବଂ ୪ (୫୭ ପ୍ରତିଶତ) ଶିବସେନା ପ୍ରାର୍ଥୀ ଗମ୍ଭୀର ଅପରାଧିକ ମାମଲାର ସାମ୍ନା କରୁଛନ୍ତି।
ତିନୋଟି ବିଲ୍ରେ କ’ଣ ଅଛି?
କେନ୍ଦ୍ର ସରକାର ତିନୋଟି ବିଲ୍ ଆଣୁଛନ୍ତି। ଏଥିରେ କେନ୍ଦ୍ର ଶାସିତ ଅଞ୍ଚଳ ସରକାର (ସଂଶୋଧନ) ବିଲ୍ ୨୦୨୫, ସମ୍ବିଧାନ (୧୩୦ ତମ ସଂଶୋଧନ) ବିଲ୍, ୨୦୨୫ ଏବଂ ଜମ୍ମୁ ଏବଂ କାଶ୍ମୀର ପୁନର୍ଗଠନ (ସଂଶୋଧନ) ବିଲ୍, ୨୦୨୫ ଅନ୍ତର୍ଭୁକ୍ତ।
କେନ୍ଦ୍ରଶାସିତ ଅଞ୍ଚଳ ସରକାର (ସଂଶୋଧନ) ବିଲ୍ ୨୦୨୫- କେନ୍ଦ୍ର ଶାସିତ ଅଞ୍ଚଳ ସରକାର ଆଇନ, ୧୯୬୩ (୧୯୬୩’ ର ୨୦) ରେ ଗୁରୁତର ଅପରାଧିକ ଅଭିଯୋଗ ଯୋଗୁ ଗିରଫ ଏବଂ ଅଟକ ଥିବା ମୁଖ୍ୟମନ୍ତ୍ରୀ କିମ୍ବା ମନ୍ତ୍ରୀଙ୍କୁ ବହିଷ୍କାର କରିବା ପାଇଁ କୌଣସି ବ୍ୟବସ୍ଥା ନାହିଁ। ତେଣୁ ସରକାର ଅନୁଭବ କରୁଛନ୍ତି ଯେ କେନ୍ଦ୍ର ଶାସିତ ଅଞ୍ଚଳ ସରକାର ଆଇନ, ୧୯୬୩ ର ଧାରା ୪୫ ସଂଶୋଧନ କରିବାର ଆବଶ୍ୟକତା ଅଛି।
ସମ୍ବିଧାନ (୧୩୦ ତମ ସଂଶୋଧନ) ବିଲ୍, ୨୦୨୫ – ଭାରତୀୟ ସମ୍ବିଧାନରେ ଗୁରୁତର ଅପରାଧିକ ଅଭିଯୋଗରେ ଗିରଫ ଏବଂ ଅଟକ ଥିବା ମନ୍ତ୍ରୀଙ୍କୁ ବହିଷ୍କାର କରିବା ପାଇଁ କୌଣସି ବ୍ୟବସ୍ଥା ନାହିଁ। ଏପରି ପରିସ୍ଥିତିରେ, ପ୍ରଧାନମନ୍ତ୍ରୀ କିମ୍ବା କେନ୍ଦ୍ର ମନ୍ତ୍ରୀ ପରିଷଦର କୌଣସି ମନ୍ତ୍ରୀ ଏବଂ ରାଜ୍ୟ ଏବଂ ଜାତୀୟ ରାଜଧାନୀ ପ୍ରଦେଶ ଦିଲ୍ଲୀର ମୁଖ୍ୟମନ୍ତ୍ରୀ କିମ୍ବା ମନ୍ତ୍ରୀ ପରିଷଦର କୌଣସି ମନ୍ତ୍ରୀଙ୍କୁ ପଦରୁ ହଟାଇବା ପାଇଁ ସମ୍ବିଧାନର ଧାରା ୭୫, ଏବଂ 239AA ରେ ସଂଶୋଧନ କରିବାର ଆବଶ୍ୟକତା ରହିଛି।
ଜମ୍ମୁ କାଶ୍ମୀର ପୁନର୍ଗଠନ (ସଂଶୋଧନ) ବିଲ୍, ୨୦୨୫- ଏହି ବର୍ତ୍ତମାନ, ଜମ୍ମୁ ଏବଂ କାଶ୍ମୀର ପୁନର୍ଗଠନ ଆଇନ, 2019 (2019 ର 34) ଅନୁଯାୟୀ ଗୁରୁତର ଅପରାଧିକ ଅଭିଯୋଗ ମାମଲାରେ ଗିରଫ ଏବଂ ଅଟକ ଥିବା ମୁଖ୍ୟମନ୍ତ୍ରୀ କିମ୍ବା ମନ୍ତ୍ରୀଙ୍କୁ ହଟାଇବା ପାଇଁ କୌଣସି ବ୍ୟବସ୍ଥା ନାହିଁ। ଏହି କାରଣରୁ ଏପରି ପରିସ୍ଥିତିରେ, ଜମ୍ମୁ ଏବଂ କାଶ୍ମୀର ପୁନର୍ଗଠନ ଆଇନ, ନ୍ତଧଧନ୍ତର ଧାରା ୫୪’ ରେ ସଂଶୋଧନ କରିବାର ଆବଶ୍ୟକତା ରହିଛି।
