ଅପେକ୍ଷାର ଅନ୍ତ ଘଟିଛି ଏବଂ ଶେଷରେ ଏସିଆ କପ୍ ୨୦୨୫ ପାଇଁ ୧୫ ଜଣିଆ ଭାରତୀୟ କ୍ରିକେଟ୍ ଦଳ ଘୋଷଣା କରାଯାଇଛି। ଦଳର କମାଣ୍ଡ୍ ତଥା ଅଧିନାୟକତ୍ଵ ସୂର୍ଯ୍ୟକୁମାର ଯାଦବଙ୍କୁ ଦିଆଯାଇଛି। ଶୁଭମନ ଗିଲଙ୍କୁ ତାଙ୍କର ଡେପୁଟି ତଥା ଉପ ଅଧିନାୟିକ ଭାବରେ ମନୋନୀତ କରାଯାଇଛି।
ସୂର୍ଯ୍ୟକୁମାର ଯାଦବ ଅଧିନାୟକ ମନୋନୀତ
ଏସିଆ କପ୍ ପାଇଁ ଭାରତୀୟ ଦଳ ଘୋଷଣା କରାଯାଇଛି, ଯେଉଁଥିରେ ୧୫ ଜଣ ଖେଳାଳୀ ଅଛନ୍ତି। ସୂର୍ଯ୍ୟକୁମାର ଯାଦବ ଏସିଆ କପରେ ଭାରତର ନେତୃତ୍ୱ ନେଉଥିବା ଦେଖାଯିବେ। ଶୁଭମନ ଗିଲଙ୍କୁ ଉପ-ଅଧିନାୟକ ଭାବରେ ମନୋନୀତ କରାଯାଇଛି। ଏହି ସୂଚନା ପୂର୍ବରୁ ଆସୁଥିଲା ଯେ ସୂର୍ଯ୍ୟ ଦଳର ଅଧିନାୟକ ହେବେ, କିନ୍ତୁ ତାଙ୍କ ଡେପୁଟିର ନାମ ଉପରେ ସଂଶୟ ଥିଲା। ଶୁଭମନ ଗିଲ ଏବଂ ଅକ୍ଷର ପଟେଲଙ୍କ ମଧ୍ୟରେ ଉପ-ଅଧିନାୟକ ପାଇଁ ଦୌଡ଼ ହୋଇଥିଲା, ଯେଉଁଥିରେ ଗିଲଙ୍କୁ ଏହି ଭୂମିକା ପାଇଁ ମନୋନୀତ କରାଯାଇଛି। ଉଲ୍ଲେଖନୀୟ ଯେ ନିକଟରେ ଶୁଭମନ ଇଂଲଣ୍ଡ ଗସ୍ତରେ ଚମତ୍କାର ପ୍ରଦର୍ଶନ କରିଥିଲେ। ଏପରି ପରିସ୍ଥିତିରେ ଏହା ବିଶ୍ୱାସ କରାଯାଇପାରେ ଯେ ତାଙ୍କୁ ଟି-୨୦ ଦଳକୁ ଫେରିବାର ସୁଯୋଗ ମିଳିଛି।
୨ ଜଣ ୱିକେଟକିପର ଚୟନିତ
ଏସିଆ କପ୍ ପାଇଁ ମନୋନୀତ ଭାରତୀୟ ଦଳରେ ୨ ଜଣ ୱିକେଟକିପର-ବ୍ୟାଟସମ୍ୟାନଙ୍କୁ ଚୟନ କରାଯାଇଛି। ପ୍ରଥମ ହେଉଛନ୍ତି ସଞ୍ଜୁ ସାମସନ ଏବଂ ଜିତେଶ ଶର୍ମାଙ୍କୁ ବ୍ୟାକଅପ୍ ୱିକେଟକିପର ଭାବରେ ଦଳରେ ସାମିଲ କରାଯାଇଛି। ସେହି ସମୟରେ ପେସ୍ ଆକ୍ରମଣର ଦାୟୀତ୍ୱ ଜସପ୍ରୀତ ବୁମରାହ, ଅର୍ଶଦୀପ ସିଂହ, ହର୍ଷିତ ରାଣାଙ୍କୁ ଦିଆଯାଇଛି। ସ୍ପିନର ଭାବରେ କୁଲଦୀପ ଯାଦବ, ବରୁଣ ଚକ୍ରବର୍ତ୍ତୀ, ଅକ୍ଷର ପଟେଲଙ୍କୁ ଚୟନ କରାଯାଇଛି।
ଏହା ହେଉଛି ଏସିଆ କପ୍ ପାଇଁ ଚୟନ କରାଯାଇଥିବା ଭାରତୀୟ ଦଳ– ସୂର୍ଯ୍ୟକୁମାର ଯାଦବ (ଅଧିନାୟକ), ଶୁଭମନ ଗିଲ୍ (ଉପଅଧିନାୟକ), ଅଭିଷେକ ଶର୍ମା, ତିଲକ ବର୍ମା, ହାର୍ଦ୍ଦିକ ପାଣ୍ଡ୍ୟା, ଶିବମ୍ ଦୁବେ, ଅକ୍ଷର ପଟେଲ, ଜିତେଶ ଶର୍ମା (ଉଇକେଟକିପର), ଜସପ୍ରୀତ ବୁମରାହ, ଅର୍ଶଦୀପ ସିଂହ, ବରୁଣ ଚକ୍ରବର୍ତ୍ତୀ, କୁଲଦୀପ ଯାଦବ, ସଞ୍ଜୁ ସାମସନ (ଉଇକେଟକିପର), ହର୍ଷିତ ରାଣା।
